Sathi Gani Rendu Ekaralu Trailer: అటు రెండెకరాలు.. ఇటు బిడ్డ ప్రాణాలు.. సత్తిగాడు ఏం చేస్తాడు?

ABN, First Publish Date - 2023-03-09T11:20:32+05:30

సినిమాల్లో కమెడియన్స్‌గా చేసిన నటులు హీరోలుగా మారడం ఎప్పటి నుంచో వస్తున్నదే.

అన్నపూర్ణ మ్యారేజెస్... వరల్డ్ వైడ్‌గా తెలుగువారు ఎక్కడున్నా అన్ని కులముల వారికీ పెళ్లి సంబంధాలు కుదర్చడంలో టాప్ పొజిషన్. ఉన్నతమైన కుటుంబాల ఎంపిక. సం|| 9397 9797 50

సినిమాల్లో కమెడియన్స్‌గా చేసిన నటులు హీరోలుగా మారడం ఎప్పటి నుంచో వస్తున్నదే. అయితే.. ఇటీవలే కాలంలో చాలా త్వరగా హీరోలుగా మారిపోతున్నారు. సుహాస్, సత్య, వెన్నెల కిశోర్ వంటి పలువురు హీరోలుగా తమ అదృష్టాన్ని పరిక్షించుకున్నారు. ఆ ప్రయత్నంలో పలువురు విజయం కూడా సాధించారు. ఈ జాబితాలో మరో కమెడియన్ చేరిపోయాడు.

‘పుష్ప’ సినిమా చూసిన వారికి జగదీశ్ ప్రతాప్ (Jagadeesh Prathap) గురించి తెలిసే ఉంటుంది. ఆ చిత్రంతో ఒక్కసారిగా పాపులర్ అయిపోయాడు. హీరో స్నేహితుడిగా తన కామెడీతో అందరినీ ఆకట్టుకున్నాడు. ఈ నటుడు తాజాగా ‘సత్తిగాడి రెండెకరాలు’ (Sathi Gani Rendu Ekaralu) అనే చిత్రంతో హీరోగా మారాడు. ఈ మూవీ మార్చి 17న ప్రముఖ ఓటీటీ ప్లాట్‌ఫామ్ ఆహా వీడియోలో స్ట్రీమింగ్ కానుంది. ఈ చిత్ర ట్రైలర్‌‌ని మూవీ టీం తాజాగా విడుదల చేసింది. (Trailer out)

ఈ ట్రైలర్ చూస్తే.. సత్తిగాడు అనే ఆటో డ్రైవర్‌కి కూతురి గుండె ఆపరేషన్‌ కోసం రూ.25 లక్షలు కావాల్సి వస్తాయి. తనకి ఉన్న రెండెకరాల పొలాన్ని అమ్మేద్దామని అనుకుంటాను. అదే సమయంలో తన కుటుంబానికి ఆధారమైన అమ్మలేక ఇబ్బంది పడుతుంటాడు. ఓ వైపు కూతురి ప్రాణం, మరో వైపు రెండెకరాల పొలం కాపాడుకోడానికి సత్తిగాడు చేసే ప్రయత్నమే ఈ చిత్ర కథాంశ కావొచ్చని తెలుస్తోంది. ముఖ్యంగా ట్రైలర్‌లోని కామెడీ అందరినీ ఆకట్టుకుంటోంది. మైత్రి మూవీ మేకర్స్ నిర్మించగా.. అభినవ్ రెడ్డి దండా దర్శకత్వం వహంచిన ఈ చిత్రంలో వెన్నెల కిశోర్ (Vennela Kishore), బిత్తిరి సత్తి కీలక పాత్రల్లో నటించారు.