Chalaki Chanti: అస్వస్థతకు గురై ఆస్పత్రిలో... ?

జబర్దస్త్‌ కమెడీయన్‌, బిగ్‌బాస్‌ ఫేం చలాకీ (Chalaki chanti) చంటి అస్వస్థకు గురయ్యారు.

జబర్దస్త్‌ కమెడీయన్‌, బిగ్‌బాస్‌ ఫేం చలాకీ (Chalaki chanti) చంటి అస్వస్థకు గురయ్యారు. తీవ్ర గుండెపోటు (heart attack) రావడంతో హైదరాబాద్‌లోని ఓ ప్రైవేటు ఆసుపత్రిలో ఆయన చికిత్స పొందుతున్నట్లు సమాచారం అందింది. పరిస్థితి సీరియస్‌గా ఉండటంతో ఐసీయూలో చేర్చినట్లు సోషల్‌ మీడియాలో వార్తలు హల్‌చల్‌ చేస్తున్నాయి. అయితే ఈ విషయంపై కుటుంబ సభ్యులు, సన్నిహితులు ఎవరూ ఇంకా స్పందించలేదు. (Chalaki Chanti Hospitalized)

జబర్దస్త్‌ కామెడీ షోతో చలాకీ చంటిగా ప్రేక్షకుల్లో మంచి గుర్తింపు తెచ్చుకున్నారు. కామెడీ టైమింగ్, పంచ్‌లు ఆయన బలం. బిగ్‌బాస్‌ సీజన్‌ 6లో ఇంటి సభ్యుడిగా హౌస్‌లో సందడి చేశారు. తనదైన శైలి ఆటతో ప్రేక్షకుల్ని మెప్పించారు కానీ చివరి వరకూ ఇంటిలో నిలవలేకపోయారు. బిగ్‌బాస్‌ హౌస్‌ నుంచి బయటికొచ్చాక చంటి పెద్దగా ఎక్కడా కనిపించలేదు.