Dulquer Salmaan : ‘లక్కీ భాస్కర్‌’ షురూ!
ABN, First Publish Date - 2023-09-24T16:41:55+05:30
‘సీతారామం’ చిత్రంతో తెలుగు ప్రేక్షకుల మనసు గెలుచుకున్న దుల్కర్‌ సల్మాన్‌ తెలుగులో మరో సినిమాకు శ్రీకారం చుట్టారు. ఆయన హీరోగా ‘లక్కీ భాస్కర్‌’ చిత్రం రూపొందనుంది.
‘సీతారామం’ చిత్రంతో తెలుగు ప్రేక్షకుల మనసు గెలుచుకున్న దుల్కర్‌ సల్మాన్‌ తెలుగులో మరో సినిమాకు శ్రీకారం చుట్టారు. ఆయన హీరోగా ‘లక్కీ భాస్కర్‌’ చిత్రం రూపొందనుంది. వెంకీ అట్లూరి దర్శకత్వం వహిస్తున్న ఈ చిత్రం ఆదివారం హైదరాబాద్‌లో పూజా కార్యక్రమాలతో మొదలైంది. మీనాక్షి చౌదరి కథానాయిక. శ్రీకర స్టూడియోస్‌ సమర్పణలో సితారా ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్‌ సంస్థలు సంయుక్తంగా నిర్మిస్తున్నాయి. ఓ సాధారణ వ్యక్తి జీవితంలో ఎదురైన సమస్యలను అధిగమించి అసాధారణ వ్యక్తిగా ఎలా ఎదిగాడు అనే ఇత్తివృత్తంతో ఈ చిత్రం రూపొందుతుందని దర్శకుడు తెలిపారు. సూర్యదేవర నాగవంశీ, సాయి సౌజన్య నిర్మాతలుగా వ్యవహరిస్తున్న ఈ చిత్రానికి జీవీ ప్రకాశ్‌ సంగీతం అందిస్తున్నారు.