Sreeleela: కారు ఎక్కగానే శ్రీలీల ఏమి చేస్తుందో తెలిస్తే షాకవుతారు
ABN, First Publish Date - 2023-10-17T17:21:54+05:30
ఇప్పుడు టాలీవుడ్ లో వినిపిస్తున్న ఏకైక కథానాయిక శ్రీలీలే. ప్రతి నెల ఒక సినిమా ఆమెది విడుదలకి సిద్ధంగా వుంది. ఇటు అగ్ర నటుల పక్కన, అటు చిన్న నటుల పక్కన కూడా చేస్తూ మంచి పేరు తెచ్చుకుంటున్న శ్రీలీల అగ్రనటిగా వుంది.
ఇప్పుడు తెలుగు చిత్రపరిశ్రమలో అగ్ర కథానాయకురాలిగా అందరి అగ్ర నటుల పక్కన చేస్తూ ఒక సెన్సేషన్ క్రియేట్ చేస్తున్న నటి శ్రీలీల (Sreeleela). ఆమె చిత్రాలు 'భగవంత్ కేసరి' #BhagavanthKesari ఈ నెల 19న విడుదల అవుతుండగా, ఇంకో సినిమా 'ఆదికేశవ' #Aadikesava వచ్చే నెల నవంబర్ 10వ తేదీన విడుదలవుతోంది. 'భగవంత్ కేసరి' లో బాలకృష్ణ (NandamuriBalakrishna) కథానాయకుడు కాగా, అందులో శ్రీలీల అతనికి కూతురుగా నటిస్తోంది. అనిల్ రావిపూడి (AnilRavipudi) దర్శకుడు, ఆ సినిమా మీద భారీ అంచనాలు వున్నాయి.
ఇక 'ఆదికేశవ' #Aadikeshava సినిమాలో వైష్ణవ తేజ్ (VaishnavTej) సరసన నటిస్తోంది. దీనికి శ్రీకాంత్ రెడ్డి (SrikanthReddy) దర్శకుడు, ఇది ఒక వ్యాపారాత్మకమైన సినిమా. ఇందులో అన్ని అంశాలూ మిళితమై వుంటాయని చెపుతోంది శ్రీలీల. ఈ రెండు సినిమాలే కాకుండా, శ్రీలీల ఇంకా చాలా సినిమాల్లో నటిస్తోంది. మహేష్ బాబు (MaheshBabu) పక్కన 'గుంటూరు కారం' #GunturKaaram, పవన్ కళ్యాణ్ (PawanKalyan) తో 'ఉస్తాద్ భగత్ సింగ్' #UstaadBhagathSingh, మధ్యలో నితిన్ (Nithiin) తో 'ఎక్స్ట్రా ఆర్డినరీ మేన్' #Extra-OrdinaryMan సినిమాలో కూడా చేస్తోంది.
అయితే ఇలా వరస సినిమాలు చేస్తున్న ఆమె మరి ఎప్పుడు నిద్రపోతుంది, ఇన్ని సినిమాల పాత్రలు ఎలా గుర్తుచుకుంటుంది అంటే, అన్నీ గుర్తుంటాయి అని చెప్తోంది. నేను ఏ సినిమా చేసినా ముందుగా నా సన్నివేశాలని తెప్పించుకుంటాను, అలాగే నేను చేసే సన్నివేశానికి ముందు తరువాత ఏమి జరుగుతుందో దర్శకుడిని అడిగి తెలుసుకుంటాను అని చెప్పింది. అన్నీ గుర్తుంటాయి అని అంటోంది శ్రీలీల.
అయితే ఆమె షూటింగ్ నుండి ఇంటికి, లేదా ఒక సినిమా లొకేషన్ నుండి ఇంకో లొకేషన్ కి వెళ్ళినప్పుడు కారులో ట్రావెల్ చేస్తుంది. అయితే కారులోకి ఎక్కగానే ఆమె ఏమి చేస్తుందో తెలుసా? కారులో వెంటనే నిద్రపోతుంది. "అవును, ఇది నిజం, నేను కారు ఎక్కగానే వెంటనే నిద్రపోతాను," అని చెప్పింది శ్రీలీల. అంటే ఆమె ఎంత బిజీగా వుందో అర్థం అవుతుంది. ఒక తెలుగు అమ్మాయి, చాలా సంవత్సరాల తరువాత ఇలా అగ్ర నటీమణిగా చలామణీ అవుతూ అగ్ర నటుల పక్కన చేస్తూ ఉండటం స్ఫూర్తిదాయకం అనే చెప్పాలి.