GopiChand-RamBanam: హాట్‌ బ్యూటీ అప్పుడలా... ఇప్పుడిలా..!
ABN, First Publish Date - 2023-03-08T17:26:04+05:30
గోపీచంద్‌, శ్రీవాస్‌ కాంబినేషన్‌లో ‘లక్ష్యం’, ‘లౌక్యం’ రెండు బ్లాక్‌బస్టర్‌ హిట్స్‌ ఇచ్చారు. ఇప్పుడు హ్యాట్రిక్‌ హిట్‌ కోసవ మూడో చిత్రంగా ‘రామబాణం’ తెరకెక్కిస్తున్నారు.
గోపీచంద్‌(Gopichand), శ్రీవాస్‌ (Sriwass)కాంబినేషన్‌లో ‘లక్ష్యం’, ‘లౌక్యం’ రెండు బ్లాక్‌బస్టర్‌ హిట్స్‌ ఇచ్చారు. ఇప్పుడు హ్యాట్రిక్‌ హిట్‌ కోసం మూడో చిత్రంగా ‘రామబాణం’ (Ramabanam) తెరకెక్కిస్తున్నారు. పీపుల్‌ మీడియా ఫ్యాక్టరీ బ్యానర్‌పై టీజీ విశ్వప్రసాద్‌, వివేక్‌ కూచిభోట్ల ఈ చిత్రాన్ని నిర్మిస్తున్నారు. ఇందులో గోపీచంద్‌ సరసన డింపుల్‌ హయాతీ (Dimple hayathi) నటిస్తున్నారు. బుధవారం మహిళా దినోత్సవం సందర్భంగా ఈ చిత్రంలోని డింపుల్‌ లుక్‌ను విడుదల చేసి ఆమె పాత్రను పరిచయం చేశారు. ఇందులో ఆమె భైరవి పాత్రలో నటిస్తున్నారు. సంప్రదాయ దుస్తుల్లో పవర్‌ఫుల్‌గా కనిపిస్తున్న లుక్‌ ఆకట్టుకుంటుంది. ఇప్పటి వరకూ హాట్‌హాట్‌ పాత్రల్లో, ప్రత్యేక గీతాల్లో కనిపించిన డింపుల్‌ ఓ కొత్త లుక్‌లో కనిపించి ఆశ్చర్యపరచింది.
చక్కని సందేశంతోపాటు, కుటుంబ భావోద్వేగాలు మేళవించిన బలమైన కథాంశంతో ఈ చిత్రాన్ని రూపొందిస్తున్నారు శ్రీవాస్‌. భారీ బడ్జెట్‌తో నిర్మిస్తున్న ఈ చిత్రంలో గోపీచంద్‌ కూడా భిన్పమైన పాత్రలో కనిపించనున్నారు.
ఈ చిత్రంలో జగపతి బాబు, ఖుష్బు.. గోపీచంద్‌కు అన్నా వదినలుగా నటిస్తున్నారు. భూపతిరాజా ఈ చిత్రానికి కథను అందించిన ఈ చిత్రానికి మధుసూధన్‌ పడమటి మాటలు అందిస్తున్నారు. వెట్రి పళని స్వామి సినిమాటోగ్రఫీ అందించగా, మిక్కీ జె మేయర్‌ సంగీతం అందిస్తున్నారు. మే 5న ఈ చిత్రాన్ని విడుదల చేయడానికి సన్నాహాలు చేస్తున్నారు.