Devi sri prasad: దర్శకుడి యాంగిల్‌ చూపించారుగా..
ABN, First Publish Date - 2023-01-21T13:47:12+05:30
‘వాల్తేరు వీరయ్య’ టీమ్‌ అంతా సక్సెస్‌ పార్టీలతో ఎంజాయ్‌ చేస్తున్నారు. తాజాగా సంగీత దర్శకుడు దేవిశ్రీ ప్రసాద్‌ ఓ పార్టీలో డాన్స్‌ చేస్తోన్న వీడియో నెట్టింట వైరల్‌ అవుతోంది.
‘వాల్తేరు వీరయ్య’(Waltair Veerayya) టీమ్‌ అంతా సక్సెస్‌ పార్టీలతో ఎంజాయ్‌ చేస్తున్నారు. తాజాగా సంగీత దర్శకుడు దేవిశ్రీ ప్రసాద్‌ (Devi sri prasad) ఓ పార్టీలో డాన్స్‌ చేస్తోన్న వీడియో(club video viral) నెట్టింట వైరల్‌ అవుతోంది. ఓ క్లబ్‌లో డీఎస్‌పీ డ్యాన్స్‌లు చేస్తోన్న వీడియోను దర్శకుడు బాబీ షూట్‌ చేసి సోషల్‌ మీడియాలో షేర్‌ చేశారు. దీనిపై దేవిశ్రీ ప్రసాద్‌ స్పందించారు. ‘‘మీ డైరెక్టర్‌ యాంగిల్‌ (director angel)చూపించారుగా’’ అని కామెంట్‌ చేశారు. అసలు విషయం ఏంటంటే ‘వాల్తేరు వీరయ్య’ దర్శకుడు బాబీ, సంగీత దర్శకుడు డీఎస్‌పీ ‘వాల్తేరు వీరయ్య’ సక్సెస్‌ను ఎంజాయ్‌ చేస్తున్నారు. ఇందులో భాగంగా వీరిద్దరూ శుక్రవారం రాత్రి ఓ క్లబ్‌లో సందడి చేశారు. ‘వాల్తేరు వీరయ్య’లోని ‘వేర్‌ ఈజ్‌ ది పార్టీ’ పాటను పాడుతూ స్టెప్పులేశారు. ఆయన గానంతో అక్కడి యువత సైతం స్టెప్పులు వేసి పార్టీని ఎంజాయ్‌ చేశారు. ఆ వీడియోను బాబీ ట్విట్టర్‌లో షేర్‌ చేశారు. ‘‘మన దేవిశ్రీ ప్రసాద్‌తో కలిసి గత రాత్రి ఓ పార్టీకి వెళ్లాను. ప్రేక్షకుల్ని ఎలా ఉర్రూతలూగించాలో ఆయనకు బాగా తెలుసు. ఆయన మ్యూజికల్‌ మ్యాజిక్‌ను మరోసారి ప్రత్యక్షంగా చూశా’’ అని ట్విట్టర్‌లో పేర్కొన్నారు. ఆ ట్వీట్‌పై దేవి స్పందించారు. ‘‘ఓ మై గాడ్‌! బాబీ ఈ వీడియో మీరెప్పుడు తీశారు? కనీసం నేను తెలుసుకోలేకపోయాను. మీ డైరెక్టర్‌ యాంగిల్‌ చూపించారుగా! క్లబ్‌ క్లోజ్‌ చేసే సమయంలో అక్కడ ఉన్న యువత అంతా ‘వేర్‌ ఈజ్‌ ది పార్టీ’ అని కేకలేస్తుంటే నాకు ఎంతో ఆనందంగా అనిపించింది’’ అని దేవిశ్రీ ప్రసాద్‌ ట్వీట్‌ చేశారు.