Chiranjeevi: అద్భుతమైన జోడీ
ABN, First Publish Date - 2023-06-10T15:52:19+05:30
వరుణ్‌ తేజ్‌ లావ్యణా త్రిపాఠీ అద్భుతమైన జోడీ అని మెగాస్టార్‌ చిరంజీవి ట్వీట్‌ చేశారు. వీరి నిశ్చితార్థం కార్యక్రమంలో పాల్గొన్న చిరంజీవి ఆ ఫొటలను ట్విట్టర్‌లో షేర్‌ చేసి శుభాకాంక్షలు తెలిపారు.
వరుణ్‌ తేజ్‌(varun Tej) లావ్యణా త్రిపాఠీ (Lavanya Tripati) అద్భుతమైన జోడీ అని మెగాస్టార్‌ చిరంజీవి (Chiranjeevi wishes) ట్వీట్‌ చేశారు. వీరి నిశ్చితార్థం కార్యక్రమంలో పాల్గొన్న చిరంజీవి ఆ ఫొటలను ట్విట్టర్‌లో షేర్‌ చేసి శుభాకాంక్షలు తెలిపారు. ‘‘నిశ్చితార్థంతో ఒక్కటైన వరుణ్‌తేజ్‌ - లావణ్య త్రిపాఠికి హృదయపూర్వక అభినందనలు. మీ జంట అద్భుతంగా ఉంది. అందరి ప్రేమాభిమానాలతో మీ జీవితం సంతోషంగా సాగాలని కోరుకుంటున్నా’’ అని చిరంజీవి ట్వీట్‌లో పేర్కొన్నారు. మరోవైపు పవన్‌కల్యాణ్‌ నిశ్చితార్థ వేడుకలో పాల్గొన్న ఫొటోలు కూడా నెట్టింట వైరల్‌ అవుతున్నాయి. పుష్పగుచ్చంత కాబోయే జంటకు విషెస్‌ చెప్పారు పవన్‌. (Pawan kalyan)
‘‘అన్నయ్యా.. ఎంతోకాలం నుంచి ఈ రోజు కోసం ఎదరుచూస్తున్నా. వెల్‌కమ్‌ టు ది ఫ్యామిలీ వదిన’’ అంటూ ఇన్‌స్టాలో పోస్ట్‌ పెట్టారు నిహారిక. శుక్రవారం సాయంత్రం హైదరాబాద్‌లోని నాగబాబు నివాసంలో చిరంజీవి - సురేఖ దంపతుల సమక్షంలో వీరి నిశ్చితార్థం జరిగింది. మెగా కుటుంబం అంతా ఈ వేడుకలో పాల్గొని సందడి చేసింది. ఎంతోకాలంగా వరుణ్‌ తేజ్‌, లావణ్యా త్రిపాఠీ ప్రేమలో ఉన్నారనే వార్తలు వస్తూనే ఉన్నాయి. దీనిపై ఎవరూ స్పందించలేదు. ఆ వార్తలను నిజం చేస్తూ వరుణ్‌తేజ్‌-లావణ్యా వివాహ బంధంతో ఒకటి కాబోతున్నారు. (varun tej and lavanya tripathi engagement )