KrithiShetty: కస్టడీ ఆమె దశ మార్చనుందా?

కృతి శెట్టిని ఐరన్ లెగ్ అని కూడా అనేసారు. ఇప్పుడు కృతి శెట్టి కొంచెం దారి మార్చి, ఒక్క గ్లామర్ పాత్రలే కాకుండా, వేరే పాత్రలు కూడా చేస్తే బాగుంటుంది అని అనుకుంది కాబోలు, అందుకనే నాగ చైతన్య (Naga Chaitanya), వెంకట్ ప్రభు (Venkat Prabhu) కాంబినేషన్ లో వస్తున్న 'కస్టడీ' (Custody) సినిమాలో కొంచెం సీరియస్ పాత్ర చేస్తున్నట్టుగా అనిపిస్తోంది.

మొదటి సినిమా ఉప్పెన (Debut film Uppena) పెద్ద హిట్ అవ్వటం తో కృతి శెట్టి (Krithi Shetty) ఒక్కసారిగా పెద్ద స్టార్ (Overnight Star with Uppena) అయిపోయింది. తరువాత నాని(Nani)తో నటించిన 'శ్యామ్ సింఘా రాయ్' (Shyam Singha Roy) సినిమా కూడా హిట్ అయింది. కానీ ఆ తరువాతే కృతి శెట్టి కి కొంచెం చుక్కెదురు అయి, ఆమె సినిమాలు పరాజయాలు చవి చూశాయి. రామ్ పోతినేని (Ram Pothineni) తో చేసిన 'వారియర్' (Warrior) కానీ, నితిన్ (Nithiin) తో చేసిన 'మాచర్ల నియోజకవర్గం' (Macherla Niyojakavargam), అలాగే సుధీర్ బాబు (Sudheer Babu), ఇంద్రగంటి మోహన్ కృష్ణ (Indraganti Mohan Krishna) కాంబినేషన్ లో వచ్చిన 'ఆ అమ్మాయి గురించి మీకు చెప్పాలి' (Aa Ammayi Gurinchi Meeku Cheppali), ఇవేవీ కూడా బాక్స్ ఆఫీస్ దగ్గర నిలపడం లేదు. కృతి శెట్టిని ఐరన్ లెగ్ అని కూడా అనేసారు. ఇప్పుడు కృతి శెట్టి కొంచెం దారి మార్చి, ఒక్క గ్లామర్ పాత్రలే కాకుండా, వేరే పాత్రలు కూడా చేస్తే బాగుంటుంది అని అనుకుంది కాబోలు, అందుకనే నాగ చైతన్య (Naga Chaitanya), వెంకట్ ప్రభు (Venkat Prabhu) కాంబినేషన్ లో వస్తున్న 'కస్టడీ' (Custody) సినిమాలో కొంచెం సీరియస్ పాత్ర చేస్తున్నట్టుగా అనిపిస్తోంది. కృతి శెట్టి లుక్ ఈ సినిమా నుండి ఈరోజు అంటే జనవరి 18 న విడుదల చేశారు.

ఇది తెలుగు, తమిళ భాషల్లో విడుదల అవుతోంది, అందుకోసం షూటింగ్ శరవేగంగా జరుపుకుంటోంది. ఇందులో కృతిని రేవతి అనే పాత్ర చేస్తోంది అని చిత్ర నిర్వాహకులు విడుదల చేసిన ప్రకటనలో తెలిపారు. ఈ లుక్ లో కృతి కథ లో భాగం అయి ఒక బలమైన పాత్ర చేస్తున్నట్టుగా తెలుస్తోంది. తమిళ నటుడు అరవింద్ స్వామి ఇందులో విలన్ పాత్రలో కనిపిస్తున్నాడు, కాగా ప్రియమణి ఇంకో ప్రధాన పాత్రలో కనిపించనుంది. అక్కినేని హీరో నాగ చైతన్య కెరీర్ లో అత్యంత ఖరీదైన చిత్రాల్లో కస్టడీ ఒకటి. శ్రీనివాస చిట్టూరి దీనికి నిర్మాత. మాస్ట్రో ఇళయరాజా, అతని కుమారుడు యువన్ శంకర్ రాజా సంగీతం అందిస్తున్నారు.