Bholaa Shankar: కోల్‌కతా సెట్‌లో షూటింగ్ పునఃప్రారంభం
ABN, First Publish Date - 2023-01-17T20:35:01+05:30
మెగాస్టార్ చిరంజీవి (Megastar Chiranjeevi) కథానాయకుడిగా.. స్టైలిష్ మేకర్ మెహర్ రమేష్ (Meher Ramesh) దర్శకత్వంలో తెరకెక్కుతోన్న మెగా..
మెగాస్టార్ చిరంజీవి (Megastar Chiranjeevi) కథానాయకుడిగా.. స్టైలిష్ మేకర్ మెహర్ రమేష్ (Meher Ramesh) దర్శకత్వంలో తెరకెక్కుతోన్న మెగా మాసివ్ యాక్షన్ ఎంటర్‌టైనర్ ‘భోళాశంకర్’ (Bholaa Shankar). ఈ చిత్ర షూటింగ్ మంగళవారం పునఃప్రారంభమైంది. మెగా బ్లాక్‌బస్టర్ ఫెస్టివల్ వైబ్‌ను కొనసాగిస్తూ హై పాజిటివ్ ఎనర్జీతో రామబ్రహ్మం సుంకర (Ramabrahmam Sunkara) భారీ స్థాయిలో నిర్మిస్తున్న ఈ సినిమా కొత్త షెడ్యూల్ హైదరాబాద్‌లోని భారీ కోల్‌కతా సెట్‌లో మంగళవారం ప్రారంభించారు.
‘వాల్తేరు వీరయ్య’ (Waltair Veerayya)తో చిరంజీవి భారీ బ్లాక్‌బస్టర్ సాధించడంతో ‘భోళాశంకర్’పై భారీ అంచనాలు నెలకొన్నాయి. చిరంజీవిని మెహర్ రమేష్ స్టైలిష్ ఇంకా మాస్ క్యారెక్టర్‌లో ప్రెజెంట్ చేస్తున్నారు. ఈ చిత్రంలో నేషనల్ అవార్డ్ విన్నర్ కీర్తి సురేష్ (Keerthi Suresh).. చిరంజీవి సోదరిగా నటిస్తుండగా, డాజ్లింగ్ బ్యూటీ తమన్నా (Tamannaah) కథానాయికగా కనిపించనుంది.
క్రియేటివ్ కమర్షియల్స్‌ (Creative Commercials)తో కలిసి అనిల్ సుంకర (Anil Sunkara) తన AK ఎంటర్‌టైన్‌మెంట్స్ బ్యానర్‌పై నిర్మిస్తున్నారు. రఘుబాబు, రావు రమేష్, మురళీ శర్మ, రవిశంకర్, వెన్నెల కిషోర్, తులసి, ప్రగతి, శ్రీ ముఖి, బిత్తిరి సత్తి తదితరులు ఇతర పాత్రలలో నటిస్తున్న ఈ చిత్రానికి మహతి స్వరసాగర్ సంగీతం అందించగా, డడ్లీ డీవోపీగా పని చేస్తున్నారు. సత్యానంద్ కథ పర్యవేక్షణ చేయగా తిరుపతి మామిడాల డైలాగ్స్ అందిస్తున్నారు. కిషోర్ గరికిపాటి ఎగ్జిక్యూటివ్ నిర్మాత.