Bhola Shankar : సీబీఐ.. ఇంటర్‌పోల్‌.. అండర్‌ కవర్‌ కాప్‌..
ABN, First Publish Date - 2023-07-27T17:04:38+05:30
‘నీ వెనక మాఫియా ఉంటే.. నా వెనక దునియా ఉంది’ అంటూ పవర్‌ఫుల్‌ ట్రైలర్‌తో సోషల్‌ మీడియాను షేక్‌ చేస్తున్నారు మెగాస్టార్‌ చిరంజీవి. ఆయన కథానాయకుడిగా మెహర్‌ రమేశ్‌ దర్శకత్వం వహించిన ‘భోళా శంకర్‌’ చిత్రం ట్రైలర్‌ను రామ్‌చరణ్‌ ట్విట్టర్‌ వేదికగా విడుదల చేశారు.
‘నీ వెనక మాఫియా ఉంటే.. నా వెనక దునియా ఉంది’ అంటూ పవర్‌ఫుల్‌ ట్రైలర్‌తో సోషల్‌ మీడియాను షేక్‌ చేస్తున్నారు మెగాస్టార్‌ చిరంజీవి(Megastar Chiranjeevi). ఆయన కథానాయకుడిగా మెహర్‌ రమేశ్‌ (meher Ramesh) దర్శకత్వం వహించిన ‘భోళా శంకర్‌’ (Bhola Shankar trailer) చిత్రం ట్రైలర్‌ను రామ్‌చరణ్‌ ట్విట్టర్‌ వేదికగా విడుదల చేశారు. ‘‘భోళా శంకర్‌’ ట్రైలర్‌ విడుదల చేయడం ఆనందంగా ఉంది. మెహర్‌ రమేశ్‌ స్టైలిష్‌ మాస్‌ ప్రజంటేషన్‌తో మెగాస్టార్‌ మరింత గొప్పగా కనిపిస్తున్నారు. ఆగస్ట్‌ 11న థియేటర్‌లో చూడటానికి ఆతురతగా ఎదురుచూస్తున్నా. టీమ్‌ అందరికీ నా శుభాకాంక్షలు’’ అని రామ్‌ చరణ్‌ ట్వీట్‌ చేశారు.
‘‘పబ్లిక్‌ గిట్ల ప్రాబ్లమ్‌ వస్తే... పోలీస్‌ల దగ్గరికి పోతారు..
పోలీస్‌లకే ప్రాబ్లమ్‌ వస్తే భోళా భాయ్‌ దగ్గరకు వస్తారు’’ అంటూ సాగిన డైలాగ్‌ అలరిస్తున్నాయి.
‘నన్ను టచ్‌ చేయాలంటే.. నన్ను మించిన గ్యాంగ్‌స్టర్‌, మాన్‌స్టర్‌ డెస్ట్రాయర్‌ రావాలి’ అని తరుణ్‌ అరోరా చోట వచ్చిన మాటలు పవర్‌ఫుల్‌గా ఉన్నాయి.
మిమ్మల్ని అందరినీ ఎంటర్‌టైన్‌ చేద్దామని వచ్చామని ట్రైలర్‌ చివర్లో పవన్‌ కల్యాణ్‌ను ఇమిటేట్‌ చేసిన సన్నివేశం విపరీతంగా వైరల్‌ అవుతుంది. అంతే కాదు యాక్షన్‌ సన్నివేశాలతోపాటు వినోదం కూడా అలరిస్తుంది.
సిస్టర్‌ సెంటిమెంట్‌తోపాటు మాస్‌ యాక్షన్‌ ఎంటర్‌టైన్‌గా రూపొందుతున్న ఈ చిత్రం ఆగస్ట్‌ 11న విడుదల కానుంది. చిరు సరసన తమన్నా కథానాయికగా నటిస్తోంది. చెలెల్లిగా కీర్తి సురేశ్‌ నటించారు. ఎ.కె.ఎంటర్‌టైన్‌మెంట్స్‌ పతాకంపై రాంబ్రహ్మం నిర్మించారు.