Bhola Shankar: మిల్కీబ్యూటీ నువ్వే నా స్వీటీ!
ABN, First Publish Date - 2023-07-20T17:44:20+05:30
మెగాస్టార్‌ చిరంజీవి కథానాయకుడిగా నటిస్తున్న చిత్రం ‘భోళా శంకర్‌’.శుక్రవారం మూడో పాటను విడుదల చేయనున్నారు. ‘మిల్కీబ్యూటీ నువ్వే నా స్వీటీ.. నీకు నాకు డేటింగ్‌ నాటీ’’ అంటూ సాగే పాట ప్రొమోను గురువారం విడుదల చేశారు. ప్రస్తుతం ఈ ప్రొమో నెట్టింట హల్‌చల్‌ చేస్తోంది.
మెగాస్టార్‌ చిరంజీవి (Chiranjeevi) కథానాయకుడిగా నటిస్తున్న చిత్రం ‘భోళా శంకర్‌’(Bhola Shankar). మెహర్‌ రమేశ్‌(Meher Ramesh) దర్శకత్వంలో ఎ.కె. ఎంటర్‌టైన్‌మెంట్స్‌ పతాకంపై రాంబ్రహ్మం సుంకర నిర్మించిన ఈ చిత్రం ఆగస్ట్‌ 11న విడుదల కానుంది. మణిశర్మ తనయుడు మహతి స్వరసాగర్‌ సంగీతం అందించిన రెండు పాటలు ఇప్పటికే విడుదలయ్యాయి. ‘భోళా మేనియా’, ‘జాం జాం జజ్జనక’ పాటలు ఎంతగానో సంగీత ప్రియులను అలరించాయి. శుక్రవారం మూడో పాటను విడుదల చేయనున్నారు. ‘మిల్కీబ్యూటీ నువ్వే నా స్వీటీ.. (Milky Beauty) నీకు నాకు డేటింగ్‌ నాటీ’’ అంటూ సాగే పాట ప్రొమోను గురువారం విడుదల చేశారు. ప్రస్తుతం ఈ ప్రొమో నెట్టింట హల్‌చల్‌ చేస్తోంది. ఇందులో చిరంజీవి సింపుల్‌ స్టెప్‌లతో అలరించారు. ఈ పాట ఫుల్‌ వీడియో కోసం అభిమానుకలు ఆతురతగా ఎదురుచూస్తున్నారు.
అన్నా చెల్లెళ్ల అనుబంధం, మాస్‌ యాక్షన్‌ ఎంటర్‌టైనర్‌గా రూపొందిన ఈ చిత్రంలో చిరంజీవి సరసన తమన్నా కథానాయికగా నటిస్తోంది. చిరంజీవికి చెల్లెలిగా కీర్తిసురేశ్‌ కనిపించనున్నారు.