Aman: అమెరికాలో నటుడిపై కత్తితో దాడి!

తెలుగులో ‘ఖలేజా’, హిందీలో జోధా అక్బర్‌ వంటి చిత్రాలతో గుర్తింపు తెచ్చుకున్న పంజాబీ నటుడు అమన్‌ ధాలివాల్‌పై అమెరికాలో ఒక ఆగంతకుడు కత్తితో దాడి చేశారు.

తెలుగులో ‘ఖలేజా’,Kaleja) హిందీలో జోధా అక్బర్‌ (jodha akbar) వంటి చిత్రాలతో గుర్తింపు తెచ్చుకున్న పంజాబీ నటుడు అమన్‌ ధాలివాల్‌పై (Aman Dhaliwal) అమెరికాలో ఒక ఆగంతకుడు కత్తితో దాడి చేశారు. మెడ, తల, ఛాతీ, భుజంపై తీవ్రంగా కత్తితో పొడిచాడు. ఆ ఘటన తర్వాత అమన్‌ను ఆస్పత్రిలో చేర్పించారు. గురువారం కాలిఫోర్నియా నగరంలోని గ్రాండ్‌ ఓక్స్‌ ప్రాంతంలో జిమ్‌లో కసరత్తు చేస్తున్న అమన్‌పై ఓ ఆగంతకుడు కత్తితో దాడి చేశాడు. తాగడానికి నీళ్లు కావాలంటూ అక్కడికి వచ్చిన ఆ ఆగంతక యువకుడు అక్కడి వారిని బెదిరిస్తున్న సమయంలో ఒక్కసారిగా అమన్‌ అతడిని పట్టుకోబోయాడు. ఈ ఘర్షణలో అమన్‌ గాయాలపాలై రక్తసిక్తమయ్యాడు. వెంటనే ఆ జిమ్‌లోని తోటివారు ఆ ఆగంతకుడిని పోలీసులకు అప్పగించారు. అమన్‌పై ఆగంతకుడు దాడి చేసిన దృశ్యం ఇప్పుడు సోషల్‌ మీడియాలో వైరల్‌ అవుతోంది. ప్రస్తుతం అమన్‌ ఆరోగ్యంగానే ఉన్నట్లు తెలిపారు. (Khaleja Fame Aman Dhaliwal attacked)