Allu Arvind: గీతా ఫిలిం డిస్ట్రిబ్యూషన్‌లో మరో సినిమా

ఇతర భాషల్లో సూపర్ హిట్ అయిన సినిమాలను తెలుగు ప్రేక్షకులకు అందించడం మెగా నిర్మాత అల్లు అరవింద్ (Allu Arvind) ప్రత్యేకత. కొన్ని రోజుల క్రితం కన్నడలో రిలీజైన కాంతార చిత్రాన్ని ప్రేక్షకుల ముందుకు తీసుకు వచ్చారు.

ఇతర భాషల్లో సూపర్ హిట్ అయిన సినిమాలను తెలుగు ప్రేక్షకులకు అందించడం మెగా నిర్మాత అల్లు అరవింద్ (Allu Arvind) ప్రత్యేకత. కొన్ని రోజుల క్రితం కన్నడలో రిలీజైన కాంతార చిత్రాన్ని ప్రేక్షకుల ముందుకు తీసుకు వచ్చారు. ఈ మూవీ టాలీవుడ్‌లోను సంచలన విజయం సాధించింది. దాదాపుగా రూ.50కోట్ల గ్రాస్ వసూళ్లను కొల్లగొట్టింది. తాజాగా మరో సినిమా ‘మాలికాపురం’ ను తెలుగు ప్రేక్షకుల ముందుకు తీసుకు వస్తున్నారు.

‘మాలికాపురం’ (Maalikappuram) లో ఉన్ని ముకుందన్ (Unni Mukundan) కీలక పాత్ర పోషించారు. ఈ సినిమాను జనవరి 21న ప్రేక్షకుల ముందుకు తీసుకువస్తున్నారు. తన సూపర్‌హీరో అయ్యప్పన్‌ని కలవడానికి వేచి ఉన్న ఒక చిన్న అమ్మాయి చుట్టూ కథ తిరుగుతుంది. ఈ చిత్రానికీ డెబ్యూటెంట్ విష్ణు శశి శంకర్ దర్శకత్వం వహిస్తున్నారు. ‘మాలికాపురం’ లో శ్రీపత్, దేవానంద కీలక పాత్రలు పోషించారు. కోట్లాది మంది అయ్యప్ప భక్తులకు ఈ చిత్రాన్ని అంకితమిస్తున్నట్లు ఉన్ని ముకుందన్ తెలిపారు. ఈ సినిమా గీతా ఫిలిం డిస్ట్రిబ్యూషన్ ద్వారా జనవరి 21 విడుదల కానుంది.