కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Ketika Sharma: ‘బ్రో’ సినిమాకు ఆయన పేరు చాలు

ABN, First Publish Date - 2023-07-17T16:40:25+05:30

పవన్ కళ్యాణ్, సాయిధరమ్ తేజ్ ఫస్ట్ టైమ్ కలిసి నటిస్తున్న చిత్రం ‘బ్రో’. పి. సముద్రఖని దర్శకత్వంలో రూపొందుతోన్న ఈ సినిమా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ నిర్మిస్తుండగా.. వివేక్ కూచిబొట్ల సహనిర్మాతగా వ్యవహరిస్తున్నారు. ఈ చిత్రంలో సాయి ధరమ్ తేజ్ సరసన నటించిన హీరోయిన్ కేతిక శర్మ.. ‘బ్రో’ సినిమాకు సంబంధించిన విశేషాలను తాజాగా మీడియాతో షేర్ చేసుకున్నారు.

Heroine Ketika Sharma

అన్నపూర్ణ మ్యారేజెస్... వరల్డ్ వైడ్‌గా తెలుగువారు ఎక్కడున్నా అన్ని కులముల వారికీ పెళ్లి సంబంధాలు కుదర్చడంలో టాప్ పొజిషన్. ఉన్నతమైన కుటుంబాల ఎంపిక. సం|| 9397 9797 50

పవన్ కళ్యాణ్, సాయిధరమ్ తేజ్ ఫస్ట్ టైమ్ కలిసి నటిస్తున్న చిత్రం ‘బ్రో’. పి. సముద్రఖని (Samuthirakani) దర్శకత్వంలో రూపొందుతోన్న ఈ సినిమా పీపుల్ మీడియా ఫ్యాక్టరీ (People Media Factory) పతాకంపై టీజీ విశ్వప్రసాద్ నిర్మిస్తుండగా.. వివేక్ కూచిబొట్ల సహనిర్మాతగా వ్యవహరిస్తున్నారు. మాటల మాంత్రికుడు త్రివిక్రమ్ శ్రీనివాస్ (Trivikram Srinivas) స్క్రీన్‌ప్లే, డైలాగ్స్ అందిస్తున్నారు. ఎస్.ఎస్. థమన్ సంగీతం అందిస్తున్న ఈ సినిమా నుంచి ఇప్పటికే విడుదలైన పాటలు, టీజర్, ఇతర ప్రచార చిత్రాలు మంచి స్పందనను రాబట్టుకోవడమే కాకుండా.. సినిమాపై భారీగా అంచనాలను పెంచేశాయి. ఈ సినిమా జూలై 28న ప్రేక్షకుల ముందుకు రానుంది. ఈ చిత్రంలో సాయి ధరమ్ తేజ్ సరసన నటించిన హీరోయిన్ కేతిక శర్మ.. ‘బ్రో’ సినిమాకు సంబంధించిన విశేషాలను మీడియాతో షేర్ చేసుకున్నారు.

బ్రో మాతృక చూశారా? ఆ సినిమాకు, ఈ సినిమాకు తేడా ఏం గమనించారు?

‘వినోదయ్య సిత్తం’ చూశాను. ఇందులో కమర్షియల్ ఎలిమెంట్స్ ఎక్కువ ఉంటాయి. మాతృకతో పోలిస్తే బ్రోలో కథానాయిక పాత్రకు ప్రాధాన్యత ఉంటుంది. వినోదంతో పాటు వివిధ హంగులు జోడించి, మాతృక కంటే మరింత అందంగా మలిచారు.

‘బ్రో’ సినిమా ఒప్పుకోవడానికి ప్రధానం కారణం?

పవన్ కళ్యాణ్ (Pawan Kalyan) గారు. ఆయన పేరు వింటే చాలు.. సినిమా ఒప్పుకోవడానికి పెద్దగా కారణాలు అక్కర్లేదు. పవన్ కళ్యాణ్ గారి కాంబినేషన్‌లో నాకు సన్నివేశాలు లేవు. కానీ ఆయనతో కలిసి సినిమాలో నటించడం సంతోషంగా ఉంది. పవన్ కళ్యాణ్‌గారిని అంతకముందు ఎప్పుడూ కలవలేదు. మొదటిసారి ఈ సినిమా ద్వారానే ఆయనను కలిసే అవకాశం లభించింది.

సినిమాలో మీ పాత్ర గురించి..?

ఈ సినిమాలో నేను సాయి ధరమ్ తేజ్‌గారు పోషిస్తున్న మార్క్‌కి ప్రేయసిగా కనిపిస్తాను. ఇది సినిమాకి ముఖ్యమైన, నటనకు ఆస్కారం ఉన్న పాత్ర. సినిమాలోని ప్రతి పాత్ర కథని ముందుకు నడిపించేలా ఉంటుంది. అనవసరమైన పాత్రలు గానీ, సన్నివేశాలు గానీ లేకుండా ఆసక్తికర కథాకథనాలతో ఎక్కడా బోర్ కొట్టకుండా సినిమా సాగుతుంది. ఇదొక సందేశాత్మక చిత్రం. ఈ తరహా సినిమాలో నటించే అవకాశం రావడం నాకు ఇదే మొదటిసారి. నా గత చిత్రాలతో పోలిస్తే ఇది విభిన్న చిత్రం. నటిగా మరింత మెరుగుపడటానికి సహాయపడింది.

మీ గత చిత్రం వైష్ణవ్ తేజ్‌తో చేశారు. ఇప్పుడు వెంటనే ఆయన సోదరుడితో.. ఎలా అనిపించింది?

ఇది యాదృచ్చికంగా జరిగింది. ‘రంగ రంగ వైభవంగా’ చివరి దశలో ఉన్నప్పుడు నాకు ఈ అవకాశం వచ్చింది. ఎంతో ఆసక్తికర కథ, దానికి తోడు పవన్ కళ్యాణ్ గారు, సాయి ధరమ్ తేజ్‌గారి కలయికలో వస్తున్న మొదటి సినిమా. అందుకే ఈ అవకాశాన్ని అసలు వదులుకోకూడదు అనుకున్నాను.

సెట్స్‌లో వైష్ణవ్ తేజ్, సాయి ధరమ్ తేజ్ (Vaishnav Tej and Sai Dharam Tej) ఎలా ఉంటారు?

ఇద్దరూ మంచి వ్యక్తులు, అందరితో సరదాగా ఉంటారు. వైష్ణవ్ కొంచెం మొహమాటస్తుడు. కానీ ఒక్కసారి పరిచయం అయ్యాక చాలా సరదాగా ఉంటారు. సాయి ధరమ్ తేజ్ అందరితో బాగా కలిసిపోతాడు.

మీ పాత్ర కోసం ఎలాంటి కసరత్తులు చేశారు?

మాతృకతో పోలిస్తే ఇందులో నా పాత్రకు ప్రాధాన్యం ఎక్కువ. ఫన్నీ డైలాగ్స్ ఉంటాయి. స్క్రిప్ట్ చక్కగా కుదిరింది. దానికి తగ్గట్టుగా నటిగా నా ఉత్తమ ప్రదర్శనను ఇవ్వడానికి కృషి చేశాను. సముద్రఖని గారు ఫాస్ట్ డైరెక్టర్. ఆయన ఎక్కువ టేక్స్ తీసుకోరు. తక్కువ టేక్స్‌లోనే మన నుంచి బెస్ట్ అవుట్ పుట్ రాబడతారు. ఆయనకు ఏం కావాలో ఆయనకు స్పష్టంగా తెలుసు. ఆయన చాలా తెలివైన దర్శకులు. త్రివిక్రమ్ గారి అద్భుతమైన రచన కూడా ఈ సినిమాకి తోడైంది. కాబట్టి నేను ప్రత్యేకంగా కసరత్తులు చేయాల్సిన అవసరం రాలేదు. (Ketika Sharma Interview about Bro)

జాణవులే పాటలో మీరు చాలా స్టైల్‌గా కనిపిస్తున్నారు. ఆ పాట గురించి చెప్పండి?

నీతా లుల్లా గారు కాస్ట్యూమ్ డిజైనర్‌గా చేశారు. నా డ్రెస్సింగ్ స్టైల్ విషయంలో ఆమెకే క్రెడిట్ దక్కుతుంది. జాణవులే పాట ఇచ్చిన అనుభూతిని ఎప్పటికీ మరిచిపోలేను. అద్భుతమైన విదేశీ లొకేషన్లలో చిత్రీకరించారు. ఈ సాంగ్ ద్వారా మొదటిసారి నాకు డ్యాన్స్ చేసే అవకాశం వచ్చింది. ఈ చిత్రంలో సంగీతం బాగుంటుంది.

పవన్ కళ్యాణ్‌గారిని మొదటిసారి సెట్స్‌లో కలవడం ఎలా అనిపించింది?

పవన్ కళ్యాణ్ గారితో నేరుగా వెళ్లి మాట్లాడాలంటే కాస్త భయమేసింది. సాయి ధరమ్ తేజ్‌గారికి చెప్తే నన్ను తీసుకెళ్లి ఆయనకు పరిచయం చేశారు. కాంబినేషన్ సీన్స్ లేకపోవడం వల్ల పవన్ కళ్యాణ్‌గారిని ఎక్కువ కలవలేకపోయాను. కానీ ఆరోజు ఆయనతో మాట్లాడిన ఆ ఐదు నిమిషాలు మాత్రం మంచి అనుభూతిని పొందాను.

మీకు ‘బ్రో’ రూపంలో మంచి అవకాశం వచ్చింది.. మీ భవిష్యత్ ప్రణాళికలు ఏంటి?

జయాపజయాలు మన చేతుల్లో ఉండవు. మన వరకు సినిమా కోసం ఎంత కష్ట పడగలమో అంత కష్టపడాలి. ఇలాంటి గొప్ప అవకాశం రావడం అదృష్టంగా భావిస్తున్నాను. ఈ సినిమా తర్వాత మరిన్ని మంచి అవకాశాలు వస్తాయని ఆశిస్తున్నాను.

పీపుల్ మీడియా ఫ్యాక్టరీ గురించి?

ఈ బ్యానర్‌లో సినిమా చేయడం చాలా సంతోషంగా ఉంది. ప్రతి ఆర్టిస్ట్‌ని ఎంతో కేరింగ్‌గా చూసుకుంటారు. ఈ ప్రొడక్షన్‌లో చాలా కంఫర్టబుల్ గా పనిచేయగలిగాను.

మీ తదుపరి సినిమాలు.. మెగా హీరోలతో ఇంకా సినిమాలు ఏమైనా చేస్తున్నారా?

ఆహా స్టూడియోస్‌తో ఓ ప్రాజెక్ట్ చేస్తున్నాను. ఇప్పుడే ఆ ప్రాజెక్ట్ వివరాలు చెప్పలేను. ప్రస్తుతానికి అయితే మెగా హీరోలతో కొత్త సినిమాలు చెయ్యట్లేదు. అవకాశం వస్తే మాత్రం సంతోషంగా చేస్తాను.

మీ డ్రీమ్ రోల్ ఏంటి?

ఎవరైనా ప్రముఖుల బయోపిక్‌లో నటించాలని ఉంది. అలాంటి నిజ జీవిత పాత్రలు ఛాలెంజింగ్‌గా ఉంటాయి.