Suriya 42: సూర్య సినిమాకు టైటిల్ ఫిక్సయిందా..?
ABN, First Publish Date - 2023-01-08T19:38:50+05:30
హిట్, ప్లాఫ్‌లతో సంబంధం లేకుండా విభిన్నమైన పాత్రలు చేస్తున్న నటుడు సూర్య (Suriya). వైవిధ్యమైన చిత్రాలను ఎంచుకుంటూ ప్రేక్షకులను అలరిస్తున్నాడు. తాజాగా అతడు సిరుతై శివ (Siruthai Siva) దర్శకత్వంలో నటిస్తున్నాడు.
హిట్, ప్లాఫ్‌లతో సంబంధం లేకుండా విభిన్నమైన పాత్రలు చేస్తున్న నటుడు సూర్య (Suriya). వైవిధ్యమైన చిత్రాలను ఎంచుకుంటూ ప్రేక్షకులను అలరిస్తున్నాడు. తాజాగా అతడు సిరుతై శివ (Siruthai Siva) దర్శకత్వంలో నటిస్తున్నాడు. ఈ ప్రాజెక్టు వర్కింగ్ టైటిల్‌గా ‘సూర్య 42’ (Surya 42) అని వ్యవహరిస్తున్నారు. బాలీవుడ్ అందాల భామ దిశా పటానీ (Disha Patani) హీరోయిన్‌గా నటిస్తుంది. ఈ మూవీ యాక్షన్ అడ్వెంచర్‌గా రూపొందుతుంది. పాన్ ఇండియాగా రెండు భాగాలుగా ప్రేక్షకుల ముందుకు రానుంది. త్రీడీలోను ఈ మూవీని చిత్రీకరిస్తున్నారు. ఈ సినిమాకు టైటిల్ ఫిక్సయినట్టు కోలీవుడ్ మీడియా తెలుపుతోంది.
‘సూర్య 42’ కు చిత్ర బృందం ‘వీర్’ (Veer) అనే టైటిల్ ఫిక్స్ చేసినట్టు సమాచారం అందుతుంది. ఈ సినిమాకు దర్శకత్వం వహిస్తున్న శివకు మూవీ టైటిల్స్‌ను వి అక్షరంతో మొదలు పెట్టే సెంటిమెంట్ ఉంది. అందువల్లే ఈ చిత్రానికి ‘వీర్’ అని టైటిల్ పెట్టాడని కోలీవుడ్ మీడియా వర్గాలు తెలుపుతున్నాయి. శివ గతంలో ‘వీరమ్’, ‘వేదళం’, ‘వివేకం’, ‘విశ్వాసం’ చిత్రాలకు దర్శకత్వం వహించాడు. ఈ చిత్రాలన్ని బాక్సాఫీస్ వద్ద మంచి విజయాన్ని సాధించాయి. రజినీకాంత్‌తో చేసిన చివరి సినిమాకు మాత్రం ‘అన్నాత్తే’ అని టైటిల్ పెట్టాడు. ఇక ‘సూర్య 42’ విషయానికి వస్తే.. పీరియాడిక్ డ్రామాగా రూపొందుతుంది. వివిధ టైమ్స్‌లో చిత్రం కొనసాగనున్నట్టు సమాచారం. ఈ మూవీలో సూర్య 13 పాత్రలను పోషిస్తున్నాడని రూమర్స్ హల్‌చల్ చేస్తున్నాయి. స్టూడియో గ్రీన్, యువీ క్రియేషన్స్ సంస్థలు సంయుక్తంగా ఈ చిత్రాన్ని నిర్మిస్తున్నాయి. దేవి శ్రీ ప్రసాద్ సంగీతం అందిస్తున్నాడు. ఈ సినిమాలో కోవై సరళ, యోగి బాబు, రెడిన్ కింగ్స్లే తదితరులు కీలక పాత్రలు పోషిస్తున్నారు. ‘సూర్య 42’ హిందీ రైట్స్‌కు భారీ ధర లభించింది. థియేట్రీకల్, డిజిటల్, శాటిలైట్ రైట్స్‌ రూ. 100కోట్లకు అమ్ముడయ్యాయట. పెన్ స్టూడియోస్ ఈ రైట్స్‌ను సొంతం చేసుకుందని సమాచారం.