కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Raghava Lawrence: ఆ స్వామి అనుగ్రహంతోనే ఈ అదృష్టం

ABN, First Publish Date - 2023-09-06T20:56:56+05:30

తమిళ సూపర్‌స్టార్‌ రజనీకాంత్‌ నటించిన ‘చంద్రముఖి’ సీక్వెల్‌ (రెండో భాగం)లో నటించే అదృష్టం తాను కొలిచే ఆ రాఘవేంద్ర స్వామి అనుగ్రహం వల్లే లభించిందని ఆ చిత్ర హీరో రాఘవ లారెన్స్‌ అన్నారు. పి.వాసు దర్శకత్వంలో తెరకెక్కిన ‘చంద్రముఖి-2’ చిత్రం వినాయక చవితి పండుగను పురస్కరించుకుని ఈనెల 15న విడుదలకానుంది.

Chandramukhi 2 Movie Team

తమిళ సూపర్‌స్టార్‌ రజనీకాంత్‌ (Super Star Rajinikanth) నటించిన ‘చంద్రముఖి’ సీక్వెల్‌ (రెండో భాగం)లో నటించే అదృష్టం తాను కొలిచే ఆ రాఘవేంద్ర స్వామి అనుగ్రహం వల్లే లభించిందని ఆ చిత్ర హీరో రాఘవ లారెన్స్‌ (Raghava Lawrence) అన్నారు. పి. వాసు (P Vasu) దర్శకత్వంలో తెరకెక్కిన ‘చంద్రముఖి-2’ (Chandramukhi 2) చిత్రం వినాయక చవితి పండుగను పురస్కరించుకుని ఈనెల 15న విడుదలకానుంది. దీంతో ప్రమోషన్‌ కార్యక్రమాలు జోరందుకున్నాయి. ఇందులో భాగంగా, తాజాగా చెన్నైలో జరిగిన కార్యక్రమంలో.. ఈ చిత్రంలో ప్రధాన పాత్రల్లో నటించిన బాలీవుడ్‌ నటి కంగనా రనౌత్‌, హీరో రాఘవ లారెన్స్‌, ఇతర పాత్రలను పోషించిన సృష్టి డాంగే, సుభిక్ష, రవివర్మ ప్రసంగించారు.

ఈ సందర్భంగా రాఘవ లారెన్స్‌ మాట్లాడుతూ (Raghava Lawrence About Chandramukhi 2).. నా ఆధ్యాత్మిక గురువు తలైవర్‌ (రజనీ) పోషించిన వేట్టయన్‌ పాత్ర ఆ రాఘవేంద్రస్వామి అనుగ్రహం వల్లే లభించింది. ఆ పాత్రతో నా పాత్రకు పోలిక పెట్టొద్దు. తొలి భాగంలో వేట్టయన్‌ రజనీ... రెండో భాగంగా వేట్టయన్‌ లారెన్స్‌. మొదటి భాగం కంటే రెండో భాగం చాలా బాగా ఉంటుంది. ప్రధాన మూల కథ ఇందులో ఉంది. చంద్రముఖి పాత్రను కంగనా రనౌత్‌ అద్భుతంగా పోషించారు. ఇతర పాత్రధారులు కూడా తమతమ పాత్రల్లో ఒదిగిపోయారు. ఆస్కార్‌ అవార్డు గ్రహీత ఎం.ఎం.కీరవాణితో కలిసి పనిచేయడం అదృష్టం. దర్శకుడు పి.వాసు వద్ద ఒక డ్యాన్సర్‌గా, కొరియోగ్రాఫర్‌గా, హీరోగా పనిచేశాను. నా బ్యానరులో ఆయన దర్శకత్వంలో ఒక చిత్రం తెరకెక్కించేందుకు సైతం సిద్ధంగా ఉన్నా. ఆ అవకాశం ఇంకా రాలేదని అన్నారు.

కంగనా రనౌత్‌ (Kangana Ranaut) మాట్లాడుతూ.. తమిళంలో ఇది నా మూడో చిత్రం. మూడు వేర్వేరు కథల్లో నటించా. తొలిభాగంలో చంద్రముఖిగా జ్యోతిక పాత్రకు, నా పాత్రకు పోలిక పెట్టొద్దని అన్నారు. అలాగే, హీరోయిన్లు సృష్టి డాంగే, సుభిక్ష, నటుడు రవివర్మ మాట్లాడారు. లైకా ప్రొడక్షన్స్‌ బ్యానరుపై నిర్మాత సుభాస్కరన్‌ నిర్మించగా.. తమిళం, తెలుగు, కన్నడం, మలయాళం, హిందీ భాషల్లో ఈ చిత్రాన్ని విడుదల చేస్తున్నారు.