Shamlee: 50కి పైగా చిత్రాల్లో నటించిన ‘ఓయ్’ షామ్లీ.. ప్రస్తుత టార్గెట్ ఏంటో తెలుసా?

‘ఓయ్’ (Oye) సినిమాతో తెలుగు ప్రేక్షకుల మనసులు దోచేసిన షామ్లీ.. మళ్లీ ‘అమ్మమ్మగారిల్లు’ (Ammammagarillu) చిత్రంలో కనిపించారు. ఆ తర్వాత తెలుగులో మళ్లీ ఆమె సినిమాలు చేయలేదు. ప్రస్తుతం ఆమె టార్గెట్ ఏంటి?

‘జగదేకవీరుడు అతిలోకసుందరి’ (JVAS), ‘కిల్లర్’ (Killer), ‘నాగబాల’ (Nagabala) వంటి చిత్రాలతో తెలుగు ప్రేక్షకులకు బాలనటిగా పరిచయమైన షామ్లీ (Shamlee).. ఆ తర్వాత హీరోయిన్‌గా కూడా కొన్ని సినిమాలలో నటించింది. బాల నటిగా చిత్రపరిశ్రమలోకి ఎంట్రీ ఇచ్చిన ఆమె జాతీయ అవార్డును సైతం అందుకుంది. అగ్ర హీరో అజిత్‌ (Ajith) సతీమణి నటి షాలిని (Shalini) సోదరి అయిన షామ్లీ.. తమిళం, తెలుగు, మలయాళం వంటి భాషల్లో సుమారు 50కి పైగా చిత్రాల్లో నటించింది. ‘ఓయ్’ (Oye) సినిమాతో తెలుగు ప్రేక్షకుల మనసులు దోచేసిన షామ్లీ.. మళ్లీ ‘అమ్మమ్మగారిల్లు’ (Ammammagarillu) చిత్రంలో కనిపించారు. ఆ తర్వాత తెలుగులో మళ్లీ ఆమె సినిమాలు చేయలేదు. ప్రస్తుతం ఆమె టార్గెట్ ఏంటి? మళ్లీ సినిమాలు చేస్తుందా? అనే దానిపై తాజాగా ఆమె క్లారిటీ ఇచ్చారు. ప్రస్తుతం షామ్లీ చిత్రలేఖనం, నాట్య కళలపై ఆసక్తి చూపుతున్నట్లుగా చెప్పుకొచ్చారు.

తాజాగా ఆమె (Shamlee about Her Goal) మాట్లాడుతూ.. ‘‘నేను తమిళం, తెలుగు, కన్నడం, మలయాళం భాషల్లో దాదాపు 50కి పైగా చిత్రాల్లో నటించా. పలు చిత్రాల్లో హీరోయిన్‌గా కూడా చేశా. కానీ, చిత్రలేఖనంపై (Painting) ఉన్న ఆసక్తితో ఈ రంగంపై దృష్టిసారించి ప్రతిభను నిరూపించుకునేందుకు కృషి చేస్తున్నా. చిత్రలేఖనంపై అమెరికాకు వెళ్ళి శిక్షణ కూడా తీసుకున్నా. బెంగుళూరు, చెన్నైలలో జరిగిన పలు పెయింటింగ్‌ ఎగ్జిబిషన్లలో నా పెయింటింగ్స్‌ను ప్రదర్శనకు ఉంచా. త్వరలోనే చెన్నైలోనే సొంతంగా పెయింటింగ్‌ ఎగ్జిబిషన్‌ నిర్వహించేందుకు ప్రయత్నిస్తున్నా. మళ్ళీ సినిమాల్లో నటించే విషయంపై ఇంకా ఆలోచించలేదు. నా టార్గెట్ పెయింటింగ్ ఎగ్జిబిషన్ (Painting Exhibition). ఆ పనులు పూర్తయిన తర్వాత మళ్లీ నటిస్తానేమో.. చెప్పలేను. ప్రస్తుతం నేను ఏ సినిమాకు సైన్ చేయలేదు’’ అని తెలిపింది.

షామ్లీకి చిత్రలేఖనం అంటే ఎంత ఇష్టమో.. ఆమెను ఇన్‌స్టాగ్రమ్‌లో ఫాలో అయ్యేవారికి బాగా తెలుసు. షామ్లీ తన ఇన్‌స్టాలో మంచి మంచి పెయింటింగ్స్‌ను పోస్ట్ చేస్తుంటుంది. ఆమె పోస్ట్‌లకు మంచి కామెంట్స్, వ్యూస్ వస్తుంటాయి. ఇప్పుడామె టార్గెట్ మొత్తం పెయింటింగ్ ఎగ్జిబిషన్‌పైనే ఉంది. అతి త్వరలోనే దానిని రీచ్ అవుతాననే కాన్ఫిడెంట్‌ని షామ్లీ (Actress Shamlee) వ్యక్తపరిచింది.

ఇవి కూడా చదవండి:

************************************************

*Pawan Kalyan: OG సెట్స్‌లో పవర్ స్టార్.. లుక్ అదిరిందిగా..!

*Ram Charan: భార్య కోసం రామ్ చరణ్ సంచలన నిర్ణయం

*Dasara: నాని ‘దసరా’ ఓటీటీ స్ట్రీమింగ్‌కి డేట్ ఫిక్సయింది.. ఎప్పుడంటే?

*23YrsOfBlockBusterBadri: పవన్ కల్యాణ్ ‘బద్రి’ గురించి ఈ విషయం తెలుసా?

*Sai Dharam Tej: ‘విరూపాక్ష’ను ‘కాంతార’తో పోల్చవద్దు