Rajinikanth: కంగారు పడొద్దని ముందే చెప్పారు!
ABN, First Publish Date - 2023-08-13T15:54:14+05:30
‘జైలర్‌’ సక్సెస్‌ను ఆస్వాదిస్తున్న తలైవా రజనీకాంత్‌ ప్రస్తుతం ఆధ్యాత్మిక యాత్రలో ఉన్నారు. నాలుగేళ్ల తర్వాత ఆయన హిమాలయాలకు వెళ్లారు. అనంతరం బద్రీనాథ్‌ ఆలయాన్ని సందర్శించి ప్రత్యేక పూజలు నిర్వహించారు.
‘జైలర్‌’(Jailer) సక్సెస్‌ను ఆస్వాదిస్తున్న తలైవా రజనీకాంత్‌ (Rajanikanth) ప్రస్తుతం ఆధ్యాత్మిక యాత్రలో ఉన్నారు. నాలుగేళ్ల తర్వాత ఆయన హిమాలయాలకు వెళ్లారు. అనంతరం బద్రీనాథ్‌ ఆలయాన్ని సందర్శించి ప్రత్యేక పూజలు నిర్వహించారు. అనంతరం రిషికేష్‌లోని స్వామి దయానంద గురూజీ ఆశ్రమాన్ని సందర్శించారు. ఆదివారం అక్కడ అభిమానులతో కాసేపు ముచ్చటించారు. ‘‘ఎన్నో అంచనాల మధ్య ‘జైలర్‌’ విడుదలైంది. ‘కంగారుపడొద్దు. సినిమా తప్పకుండా విజయం సాధిస్తుంది’ అని స్వామీజీ ముందే చెప్పారు.
ఆయనే స్వయంగా చెప్పారంటే తప్పకుండా ‘జైలర్‌’ హిట్‌ అయినట్టే అని బలమైన నమ్మకం ఏర్పడింది’’ అని అన్నారు. ప్రస్తుతం దీనికి సంబంధించిన కొన్ని ఫొటోలు నెట్టింట వైరల్‌ అవుతున్నాయి. రజినీకాంత్‌ హీరోగా నెల్సన్‌ దిలీప్‌కుమార్‌ వహించిన ‘జైలర్‌’ గురువారం ప్రేక్షకుల ముందుకొచ్చి పాజిటివ్‌ టాక్‌తో దూసుకుపోతోంది. మూడు రోజుల్లోనే రూ.200 కోట్లు వసూళ్లు చేసిందని సినీ విశ్లేషకులు చెబుతున్నారు.