Nayanthara: రూ. మూడు కోట్ల విలువైన కారు బహుమతి
ABN, First Publish Date - 2023-11-30T18:28:05+05:30
దక్షిణాది లేడీ సూపర్‌స్టార్‌ నయనతారకు (NayanaThara) తన భర్త విఘ్నేష్ శివన్ ఖరీదైన బహుమతి ఇచ్చారు. ఇటీవల ఆమె పుట్టినరోజు ఘనంగా నిర్వహించుకుంది. ఈ సందర్భంగా తన భర్త ఇచ్చిన బహుబతి గురించి రెండు వారాల తర్వాత సోషల్‌ మీడియా వేదికగా వెల్లడించారు
దక్షిణాది లేడీ సూపర్‌స్టార్‌ నయనతారకు (NayanaThara) తన భర్త విఘ్నేష్ శివన్ ఖరీదైన బహుమతి ఇచ్చారు. ఇటీవల ఆమె పుట్టినరోజు ఘనంగా నిర్వహించుకుంది. ఈ సందర్భంగా తన భర్త ఇచ్చిన బహుబతి గురించి రెండు వారాల తర్వాత సోషల్‌ మీడియా వేదికగా వెల్లడించారు నయనతార. ఇంతకీ ఆ బహుమతి ఏంటో తెలుసా? రూ. 3 కోట్లు విలువ చేసే జర్మన్‌ లగ్జరీ కారు మెర్సిడెజ్‌ బెంజ్‌ మేబ్యాచ్ (Costly Gift). తాజాగా ఈ కారుకు సంబంధించిన ఫోటోలను ఇన్‌స్టాగ్రామ్‌లో స్టోరీలో ఎమోషనల్‌ పోస్ట్‌ పెట్టింది.
'వెల్కమ్‌ హోమ్‌ యూ బ్యూటీ అంటూ.. మై డియర్‌ హస్బెండ్‌, మధురమైన పుట్టినరోజు బహుమతి ఇచ్చినందకు ధన్యవాదాలు లవ్‌ యూ అంటూ’ తన భర్తపై ప్రేమను కురిపించింది నయన్‌.
ఈ పోస్ట్‌ చూసిన అభిమానులు నెటిజన్లు నయన్‌ దంపతులకు కంగ్రాట్స్‌ అంటూ విషెస్‌ చెబుతున్నారు. నయన్‌ గిఫ్ట్‌గా పొందిన కారు విలువ సుమారు రూ. 3.40 కోట్ల రూపాయల వరకూ ఉంటుందని అంచనా. నయనతారకు ఈ ఏడాది పుట్టినరోజు చాలా ప్రత్యేకం. షారుఖ్‌ ఖాన్‌, నయనతార జంటగా నటించిన ‘జవాన్‌’ సినిమా విడుదలై సూపర్‌ హిట్‌ అయింది. ఇప్పుడు ఆమెకు బాలీవుడ్‌ నుంచి అనేక ఆఫర్లు వస్తున్నాయి. రాకేష్‌ ఓంప్రకాష్‌ మెహ్రా ‘కర్ణ’ చిత్రానికి నయనతార ఎంపిక చేసే ఆలోచనలో ఉన్నారని తెలిసింది.