వేయ్‌... దరువేయ్‌!
ABN, First Publish Date - 2023-04-15T00:36:22+05:30
గోపీచంద్‌ కథానాయకుడిగా నటిస్తున్న చిత్రం ‘రామబాణం’. డింపుల్‌ హయతి కథానాయిక. శ్రీవాస్‌ దర్శకత్వం వహించారు.
గోపీచంద్‌ కథానాయకుడిగా నటిస్తున్న చిత్రం ‘రామబాణం’. డింపుల్‌ హయతి కథానాయిక. శ్రీవాస్‌ దర్శకత్వం వహించారు. టిజీ విశ్వప్రసాద్‌ నిర్మాత. మే 5న విడుదల అవుతోంది. శుక్రవారం కర్నూలులో ‘దరువేయ్‌రా’ అనే గీతాన్ని ఆవిష్కరించారు. రామజోగయ్య శాస్ర్తి రాసిన పాట ఇది. కృష్ణ తేజస్వీ, చైత్ర అంబడపూడి పాడారు. ప్రేమ్‌ రక్షిత్‌ నృత్యాలు అందించారు. మిక్కీ జే.మేయర్‌ స్వరాలు సమకూర్చారు. ‘‘ఓ ఆలయ ప్రాంగణంలో సాగే గీతమిది. పాట వింటున్నా, చూస్తున్నా భక్తి పారవశ్యం కలుగుతుంది. ఈ పాటలో... ప్రధాన తారాగణం అంతా మెరుస్తారు. వాళ్లందరినీ సంప్రదాయ దుస్తుల్లో చూడడం కనుల పండుగలా ఉంటుంద’’ని చిత్రబృందం తెలిపింది. జగపతిబాబు, ఖుష్బూ, సచిన్‌ ఖేడేకర్‌, నాజర్‌, అలీ, వెన్నెల కిశోర్‌ తదితరులు నటించారు. కథ: భూపతి రాజా.