Ram Charan: ‘ఏంటమ్మా’ సాంగ్‌పై మెగా పవర్ స్టార్ రియాక్షన్
ABN, First Publish Date - 2023-04-06T20:46:31+05:30
టాలీవుడ్ సూపర్ స్టార్స్‌ లో రామ్ చరణ్ (Ram Charan) ఒకరు. ‘ఆర్ఆర్ఆర్’ (RRR) తో వరల్డ్‌వైడ్ ఫేమ్‌ను సంపాదించుకున్నారు. తాజాగా సల్మాన్ ఖాన్ (Salman Khan) నటించిన ‘కిసీ కా భాయ్ కిసీ కీ జాన్’ (Kisi Ka Bhai Kisi Ki Jaan) లో అతిథి పాత్రలో మెరిశారు.
టాలీవుడ్ సూపర్ స్టార్స్‌లో రామ్ చరణ్ (Ram Charan) ఒకరు. ‘ఆర్ఆర్ఆర్’ (RRR) తో వరల్డ్‌వైడ్ ఫేమ్‌ను సంపాదించుకున్నారు. తాజాగా సల్మాన్ ఖాన్ (Salman Khan) నటించిన ‘కిసీ కా భాయ్ కిసీ కీ జాన్’ (Kisi Ka Bhai Kisi Ki Jaan) లో అతిథి పాత్రలో మెరిశారు. రీసెంట్‌గా ఈ సినిమా నుంచి ‘ఏంటమ్మా’ (Yentamma) అనే పాట‌ను మేకర్స్ విడుదల చేశారు. పాటలో భాగంగా చెర్రీ బాలీవుడ్ సూపర్ స్టార్ సల్మాన్ ఖాన్, టాలీవుడ్ స్టార్ విక్ట‌రీ వెంక‌టేశ్‌లతో కలసి డాన్స్‌ చేశారు. ఈ పాటకీ అభిమానుల నుంచి భారీ స్పందన వచ్చింది. సాంగ్ రిలీజైన రెండు రోజుల్లోనే దాదాపుగా 43 మిలియన్స్‌కు పైగా వ్యూస్‌ను సొంతం చేసుకుంది. పాటకు సంబంధించిన బీటీఎస్ వీడియోను మేకర్స్ తాజాగా విడుదల చేశారు
‘ఏంటమ్మా’ సాంగ్ గురించి ఈ వీడియోలో రామ్ చరణ్ మాట్లాడారు. ఈ సాంగ్‌ను తాను ఎంతగానో ఎంజాయ్ చేస్తూ చేశానని చెప్పారు. అంద‌రం కలసి అద‌ర గొట్టేశామ‌ని పేర్కొన్నారు. ఇద్దరు పెద్ద స్టార్ హీరోలతో కలసి పాట చేయడంతో కల నిజమైనట్టుగా ఉందని తెలిపారు. సాంగ్ మరచిపోలేని అనుభూతిని మిగిల్చిందని స్పష్టం చేశారు. బిగ్‌స్క్రీన్‌పై ఈ సాంగ్ ఫ్యాన్స్‌కు పండగలా ఉంటుందన్నారు.
‘ఏంటమ్మా’ సాంగ్‌కు పాయల్ దేవ్ సంగీతం అందించారు. విశాల్ దడ్లాని, పాయల్ దేవ్, ర‌ఫ్లార్ ఆల‌పించారు. ష‌బీర్ అహ్మ‌ద్ లిరిక్స్ రాశారు. జానీ మాస్ట‌ర్ కొరియోగ్ర‌ఫీ చేశారు. ‘కిసీ కా భాయ్ కిసీ కీ జాన్’ లో పూజా హెగ్డే, జగపతి బాబు, భూమిక, షెహనాజ్ గిల్, విజేందర్ సింగ్ తదితరులు కీలక పాత్రలు పోషించారు. ఈ సినిమా రంజాన్ కానుకగా ఏప్రిల్ 21న విడుదల కానుంది.
^^^^^^^^^^^^^^^^^^^^^^^^^^^^^^^^^^
Chor Nikal Ke Bhaga: ‘ఆర్ఆర్ఆర్’ రికార్డును చెరిపేసిన బాలీవుడ్ సినిమా
Salman Khan: ఓటీటీలపై సంచలన వ్యాఖ్యలు
MM. Keeravani: బాలీవుడ్ సినిమాకు సంగీతం.. హీరో ఎవరంటే..?
Koffee With Karan: భార్యతో కలిసి రావాలంటూ సౌత్ స్టార్ హీరోలకు పిలుపు.. బుక్ చేస్తాడేమో చూసుకోండి..
Web Series: భారత్‌లో ఎక్కువ మంది వీక్షించిన వెబ్ సిరీస్ ఏంటో తెలుసా..?