కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Hi Nanna: ‘హాయ్ నాన్న’ టీజర్ కూడా వచ్చేస్తోంది.. ఎప్పుడంటే?

ABN, First Publish Date - 2023-10-12T19:58:09+05:30

నేచురల్ స్టార్ నాని నటిస్తోన్న యూనిక్, హోల్సమ్ ఫ్యామిలీ ఎంటర్‌టైనర్‌ ‘హాయ్ నాన్న’. ఇప్పటికే విడుదలైన ఈ పాన్ ఇండియా చిత్ర గ్లింప్స్‌ దేశవ్యాప్తంగా మంచి స్పందనను రాబట్టుకున్న విషయం తెలిసిందే. అలాగే ఇప్పటి వరకు విడుదలైన రెండు పాటలు కూడా చార్ట్ బస్టర్స్‌గా నిలిచాయి. తాజాగా ఈ మూవీ టీజర్‌ను అక్టోబర్ 15న విడుదల చేయబోతున్నట్లుగా మేకర్స్ ప్రకటించారు.

Hi Nanna Movie Poster

నేచురల్ స్టార్ నాని (Natural Star Nani) నటిస్తోన్న యూనిక్, హోల్సమ్ ఫ్యామిలీ ఎంటర్‌టైనర్‌ ‘హాయ్ నాన్న’ (Hi Nanna). ఇప్పటికే విడుదలైన ఈ పాన్ ఇండియా చిత్ర గ్లింప్స్‌ దేశవ్యాప్తంగా మంచి స్పందనను రాబట్టుకున్న విషయం తెలిసిందే. అలాగే ఇప్పటి వరకు విడుదలైన రెండు పాటలు కూడా చార్ట్ బస్టర్స్‌గా నిలిచాయి. తాజాగా ఈ మూవీ టీజర్ విడుదలకు సంబంధించి మేకర్స్ అప్‌డేట్‌ ఇచ్చారు. దీంతో ‘హాయ్ నాన్న’ ట్యాగ్ టాప్‌లో ట్రెండ్ అవుతోంది. (Hi Nanna Teaser Release Date)

చిత్రబృందం ప్రకటించిన ప్రకారం.. ‘హాయ్ నాన్న’ టీజర్ అక్టోబర్ 15న విడుదల కానుంది. ఈ విషయం తెలుపుతూ విడుదల చేసిన టీజర్ పోస్టర్ లీడ్ పెయిర్ -నాని, మృణాల్ ఠాకూర్‌ (Mrunal Thakur)ల డ్రీమ్ కెమిస్ట్రీని చూపిస్తుంది. ఈ చిత్రానికి సంబంధించిన కోర్ పాయింట్‌ను టీమ్ ఇంకా వెల్లడించకపోవడంతో, సినీ ప్రేక్షకులు టీజర్ కోసం ఆసక్తిగా ఎదురుచూస్తున్నారు. టీజర్‌తో స్టోరీ లైన్ ఏమిటనేది కొంత స్పష్టత వచ్చే అవకాశం అయితే ఉంది. (Hi Nanna Movie)

శౌర్యువ్ (Shouryuv) దర్శకత్వం వహించిన ఈ చిత్రంలో మృణాల్ ఠాకూర్ హీరోయిన్‌గా నటిస్తుండగా, బేబీ కియారా ఖన్నా (Baby Kiara Khanna).. నాని కుమార్తెగా కనిపించనుంది. వైర ఎంటర్‌టైన్‌మెంట్స్‌పై మోహన్ చెరుకూరి (సివిఎం), డాక్టర్ విజయేందర్ రెడ్డి తీగల భారీ ఎత్తున ఈ చిత్రాన్ని నిర్మిస్తున్నారు. హేషమ్ అబ్దుల్ వహాబ్ సంగీతం అందిస్తున్న ఈ చిత్రాన్ని ఈ ఏడాది డిసెంబర్ 21న (Hi Nanna Release Date) తెలుగు, తమిళం, కన్నడ, మలయాళం, హిందీ భాషల్లో విడుదల చేసేందుకు ప్లాన్ చేస్తున్నారు.