Custody: చివరి షెడ్యూల్‌లో చైతూ చిత్రం
ABN, First Publish Date - 2023-01-06T17:40:29+05:30
అక్కినేని నాగ చైతన్య (Naga Chaitanya), తమిళ దర్శకుడు వెంకట్ ప్రభు (Venkat Prabhu) కాంబినేషన్‌లో రూపొందుతున్న తెలుగు-తమిళ ద్విభాషా చిత్రం
అక్కినేని నాగ చైతన్య (Naga Chaitanya), తమిళ దర్శకుడు వెంకట్ ప్రభు (Venkat Prabhu) కాంబినేషన్‌లో రూపొందుతున్న తెలుగు-తమిళ ద్విభాషా చిత్రం ‘కస్టడీ’ (Custody). ప్రస్తుతం ఈ చిత్రం శరవేగంగా షూటింగ్ జరుపుకుంటోంది. ఇప్పటికే సినిమా షూటింగ్ చివరి దశలో ఉంది. శుక్రవారం ఈ మూవీ చివరి షెడ్యూల్ (Last Schedule) షూట్‌ ప్రారంభమైనట్లుగా మేకర్స్ అధికారికంగా ప్రకటించారు. ఈ షెడ్యూల్‌తో మొత్తం ప్రొడక్షన్ ఫార్మాలిటీస్ పూర్తవుతాయి. ప్రధాన నటీనటులందరూ పాల్గొంటున్న ప్రస్తుత షూటింగ్ షెడ్యూల్‌లో కొన్ని కీలక సన్నివేశాలను చిత్రీకరించనున్నారు. నాగ చైతన్య ఫెరోషియస్ అవతార్‌లో కనిపించిన ‘కస్టడీ’ గ్లింప్స్ న్యూ ఇయర్ కానుకగా విడుదలైంది. ఈ టీజర్‌లో టెక్నికల్ బ్రిలియన్స్ అందరినీ ఆశ్చర్యపరిచింది. టీజర్‌లో నాగ చైతన్య విలన్‌లపై పంచ్‌లు, కిక్‌లు ఇస్తూ యాక్షన్‌లోకి దిగడం ఆకట్టుకోవడమే కాకుండా.. సినిమాపై అంచనాలను క్రియేట్ చేస్తోంది.
నాగచైతన్య సరసన కృతి శెట్టి (Krithi Shetty) హీరోయిన్‌గా నటిస్తోన్న ఈ చిత్రంలో స్టార్ యాక్టర్ అరవింద్ స్వామి (Arvind Swami) విలన్ పాత్రలో నటిస్తున్నారు. ప్రియమణి (Priyamani) పవర్ ఫుల్ పాత్రలో కనిపించనుండగా.. సంపత్ రాజ్, శరత్ కుమార్, ప్రేమ్ జీ, వెన్నెల కిషోర్, ప్రేమి విశ్వనాథ్ తదితరులు కీలక పాత్రలు పోషిస్తున్నారు. నాగ చైతన్య కెరీర్‌లో అత్యంత ఖరీదైన చిత్రాల్లో ఒకటిగా ఈ చిత్రం తెరకెక్కుతోంది. శ్రీనివాస సిల్వర్ స్క్రీన్ బ్యానర్‌ (Srinivasaa Silver Screen)పై శ్రీనివాస చిట్టూరి (Srinivasaa Chitturi) ఈ చిత్రాన్ని నిర్మిస్తున్నారు. 12 మే, 2023న ప్రపంచవ్యాప్తంగా ఈ చిత్రం విడుదలకానుంది.