Bholaa Shankar: ‘భోళా’ మానియా మొదలవ్వబోతోంది
ABN, First Publish Date - 2023-05-30T18:29:32+05:30
మెగాస్టార్ చిరంజీవి, స్టైలిష్ మేకర్ మెహర్ రమేష్‌ల కాంబినేషన్‌లో తెరకెక్కుతోన్న మాసివ్ యాక్షన్ ఎంటర్‌టైనర్ ‘భోళా శంకర్’. శరవేగంగా షూటింగ్ జరుపుకుంటోన్న ఈ చిత్రానికి సంబంధించిన మాసివ్ అప్‌డేట్‌ను మేకర్స్ విడుదల చేశారు. అతి త్వరలోనే ఈ చిత్రానికి సంబంధించిన మ్యూజికల్ జర్నీని ప్రారంభిస్తామని మేకర్స్ ఈ అప్‌డేట్‌లో తెలిపారు.
మెగాస్టార్ చిరంజీవి (Megastar Chiranjeevi), స్టైలిష్ మేకర్ మెహర్ రమేష్‌ (Meher Ramesh)ల కాంబినేషన్‌లో తెరకెక్కుతోన్న మాసివ్ యాక్షన్ ఎంటర్‌టైనర్ ‘భోళా శంకర్’ (Bholaa Shankar). రామబ్రహ్మం సుంకర (Ramabrahmam Sunkara) భారీ బడ్జెట్‌‌తో భారీ కాన్వాస్‌‌పై రూపొందిస్తున్న ఈ చిత్రం షూటింగ్ చివరి దశలో ఉంది. మేకర్స్ ఇటీవల స్విట్జర్లాండ్‌‌లో చిరంజీవి, తమన్నా భాటియాపై ఓ పాట చిత్రీకరణను పూర్తి చేశారు. తాజాగా ఈ చిత్రానికి సంబంధించిన మాసివ్ అప్‌డేట్‌ను మేకర్స్ విడుదల చేశారు. ఈ సినిమా ప్రమోషన్స్‌ను త్వరలోనే ప్రారంభించబోతున్నామని.. ముందుగా మ్యూజికల్ జర్నీ ప్రారంభిస్తామని మేకర్స్ తెలియజేశారు. దీనికి ‘భోళా మానియా త్వరలో ప్రారంభమవుతుంది’ అని మేకర్స్ విడుదల చేసిన పోస్టర్ ప్రస్తుతం వైరల్ అవుతోంది. (Bholaa Shankar Update)
ఈ అనౌన్స్‌మెంట్ పోస్టర్‌లో చిరంజీవి స్టైలిష్ గెటప్‌‌లో రెండు చేతులను వెనుక జేబులో పెట్టుకొని చేసిన గ్రేస్ ఫుల్ డ్యాన్స్ మూమెంట్‌ని చూడవచ్చు. ఇక్కడ డిఫరెంట్ గెటప్స్‌లో డ్యాన్సర్స్‌తో పండుగ వాతావరణం కనిపిస్తోంది. మహతి స్వర సాగర్ (Mahati Swara Sagar) ఈ చిత్రానికి చార్ట్‌బస్టర్ ఆల్బమ్‌‌ని స్కోర్ చేసినట్లుగా మేకర్స్ చెబుతున్నారు. ఈ చిత్రానికి సంబంధించి కొంత టాకీ పార్ట్, క్లైమాక్స్ షూటింగ్, భారీ సెట్ సాంగ్ పెండింగ్‌‌లో ఉందని.. జూన్ నెలాఖరుకు సినిమా షూటింగ్ మొత్తం పూర్తవుతుందని మేకర్స్ ఈ అప్‌డేట్‌లో వెల్లడించారు. అలాగే సినిమాకు సంబంధించిన పోస్ట్ ప్రొడక్షన్ పనులు కూడా మరో వైపు శరవేగంగా జరుగుతున్నట్లుగా వారు తెలిపారు. (Bholaa Mania Starts Soon)
అనిల్ సుంకర ఏకే ఎంటర్‌టైన్‌మెంట్స్ (AK Entertainments) బ్యానర్‌పై రూపుదిద్దుకుంటోన్న ఈ చిత్రంలో చిరంజీవి సరసన తమన్నా (Tamannaah) కథానాయికగా నటిస్తుండగా, కీర్తి సురేష్ (Keerthy Suresh) ఆయనకు సిస్టర్‌గా కనిపించనుంది. టాలెంటెడ్ యాక్టర్ సుశాంత్ (Sushanth) ఈ సినిమాలో లవర్ బాయ్ తరహా పాత్రలో కనిపించనున్నారు. ఇంకా భారీ తారాగణం ఈ చిత్రంలో భాగమవుతున్నారు. ఈ సినిమాని ఆగస్టు 11న (Bholaa Shankar Release Date) ప్రపంచ వ్యాప్తంగా గ్రాండ్‌‌గా విడుదల చేస్తామని మేకర్స్ ఇప్పటికే ప్రకటించి ఉన్నారు.
ఇవి కూడా చదవండి:
************************************************
*Allu Sirish: ‘టెడ్డీ’ కాదు.. ఆసక్తికర టైటిల్‌తో అల్లు శిరీష్ తదుపరి చిత్రం
*Shaitan: రెడ్ అలెర్ట్!.. బోల్డ్ అండ్ డిస్టర్బ్ చేసే కంటెంట్‌తో..
*Adivi Sesh: అడివి శేష్ ట్వీట్‌కు అర్థం తెలియక బుర్రలు బద్దలు కొట్టుకుంటోన్న నెటిజన్లు
*Adipurush: ‘రామ్ సీతా రామ్’ పాట ఓకే కానీ.. చూస్తుంటే ఏదో తేడా కొడుతోంది
*Bro: పవన్-సాయితేజ్ ద్వయం పోస్టర్.. ఫ్యాన్స్‌కి ఈ భరోసా చాలు!