కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

Tiger Nageswara Rao Single: నా గుండెపైన నీ వేలిముద్ర.. దాచేది ఎట్టా ఓ రామచంద్రా?

ABN, First Publish Date - 2023-10-12T23:56:51+05:30

మాస్ మహారాజా రవితేజ తన తొలి పాన్ ఇండియా చిత్రం టైగర్ నాగేశ్వరరావుతో దేశవ్యాప్తంగా ప్రేక్షకులను అలరించడానికి సిద్ధంగా వున్నారు. వంశీ దర్శకత్వం వహించిన ఈ పాన్ ఇండియా చిత్రం నుంచి తాజాగా మేకర్స్ థర్డ్ సింగిల్ ‘ఇచ్చేసుకుంటాలే’ను విడుదల చేశారు. ఈ పాట ప్రస్తుతం టాప్‌లో ట్రెండ్ అవుతోంది.

Tiger Nageswara Rao Movie Still

మాస్ మహారాజా రవితేజ (Mass Maharaja Ravi Teja) తన తొలి పాన్ ఇండియా చిత్రం ‘టైగర్ నాగేశ్వరరావు’ (Tiger Nageswara Rao)తో దేశవ్యాప్తంగా ప్రేక్షకులను అలరించడానికి సిద్ధమవుతున్నారు. వంశీ (Vamsee) దర్శకత్వం వహించిన ఈ చిత్రాన్ని అభిషేక్ అగర్వాల్ ఆర్ట్స్‌ (Abhishek Agarwal Arts) బ్యానర్‌పై అభిషేక్ అగర్వాల్ ప్రతిష్టాత్మకంగా భారీ స్థాయిలో నిర్మించారు. ఇటీవలే విడుదలైన ట్రైలర్‌, అలాగే జివి ప్రకాష్ కుమార్ సంగీతం అందిస్తున్న ఈ చిత్రంలోని రెండు పాటలు ఎటువంటి స్పందనను రాబట్టుకున్నాయో తెలియంది కాదు. ప్రస్తుతం చిత్ర ప్రమోషన్స్‌లో యమా స్పీడ్‌గా ఉన్న టీమ్.. తాజాగా సినిమాలోని థర్డ్ సింగిల్ ‘ఇచ్చేసుకుంటాలే’ పాటని విడుదల చేశారు. ఈ పాట ప్రస్తుతం యూట్యూబ్‌లో టాప్‌లో ట్రెండ్ అవుతోంది. (Icchesukuntaale Lyrical Video Song)

బ్యూటీఫుల్ రొమాంటిక్ మెలోడీగా ఈ పాటని కంపోజ్ చేశారు జీవి ప్రకాష్. భాస్కరభట్ల రవికుమార్ అందించిన సాహిత్యం.. హీరోయిన్ మనసులోని ప్రేమని చాలా అందంగా ఆవిష్కరించింది. సింధూరి మెస్మరైజ్ వాయిస్‌తో ఆకట్టుకుంది. ఈ పాటలో రవితేజ, గాయత్రి భరద్వాజ్‌ల కెమిస్ట్రీ వండర్ ఫుల్ అని చెప్పుకోవాలి. అలాగే, విజువల్స్ ఎక్స్‌ట్రార్డినరీ‌గా వున్నాయి. ఒక్కసారి వింటే చాలు మళ్లీ మళ్లీ వినాలనిపించేలా.. ఈ పాటకు సంగీతం, సాహిత్యం, విజువల్స్ కుదిరాయి. ఈ పాట మేకింగ్ సీన్స్ చూస్తుంటే.. సినిమాపై మంచి బజ్ క్రియేట్ అవుతోంది. (Tiger Nageswara Rao Movie Third Single)

నూపుర్ సనన్ మరో హీరోయిన్‌గా నటించిన ఈ చిత్రంలో రేణు దేశాయ్, అనుపమ్ ఖేర్ కీలక పాత్రలు పోషిస్తున్నారు. ఈ చిత్రానికి సినిమాటోగ్రఫీ ఆర్‌ మదీ ఐఎస్‌సి, ప్రొడక్షన్‌ డిజైనర్‌ అవినాష్‌ కొల్లా. శ్రీకాంత్ విస్సా డైలాగ్ రైటర్ కాగా, మయాంక్ సింఘానియా సహ నిర్మాతగా వ్యవహరించారు. ఈ సినిమా దసరా కానుకగా అక్టోబర్ 20న అన్ని దక్షిణాది భాషలు, హిందీలో విడుదల కానుంది. (Tiger Nageswara Rao Movie)