Agent Trailer Talk: అఖిల్ ‘ఏజెంట్’ ట్రైలర్ ఎలా ఉందంటే..
ABN, First Publish Date - 2023-04-19T13:43:16+05:30
అఖిల్ అక్కినేని, సురేందర్ రెడ్డి కాంబినేషన్‌లో తెరకెక్కిన ‘ఏజెంట్’ మూవీ ట్రైలర్ టాక్ ఏంటంటే..
అక్కినేని యంగ్ హీరో అఖిల్ అక్కినేని (Akhil Akkineni), స్టైలిష్ డైరెక్టర్ సురేందర్ రెడ్డి (Surender Reddy) కాంబినేషన్‌లో.. ఎకె ఎంటర్‌టైన్‌మెంట్స్ (AK Entertainments), సురేందర్ 2 సినిమా (Surender 2 Cinema) సంయుక్తంగా నిర్మిస్తున్న చిత్రం ‘ఏజెంట్’ (Agent). ఇప్పటికే ఈ సినిమాకు సంబంధించి విడుదలైన ప్రమోషనల్ కంటెంట్.. సినిమాపై భారీ క్రేజ్‌ని ఏర్పాటు చేయగా... తాజాగా కాకినాడ (Kakinada)లో ఏజెంట్ థియేట్రికల్ ట్రైలర్ (Agent Trailer Launch)ను మేకర్స్ విడుదల చేశారు. ఆంధ్రప్రదేశ్ సినిమాటోగ్రఫీ మంత్రి చెల్లుబోయిన శ్రీనివాస వేణుగోపాల్ కృష్ణ ఈ చిత్ర ట్రైలర్‌ని లాంచ్ చేసి.. ఏప్రిల్ 28న తెలుగు సినిమా అభిమానులంతా ఏజెంట్‌ని సూపర్ సక్సెస్ చేస్తారని, సినిమా రికార్డ్ లెవల్ హిట్ కావాలని కోరుకుంటున్నట్లుగా తెలిపారు.
ట్రైలర్ విషయానికి వస్తే (Agent Trailer Talk).. ఇంతకు ముందు విడుదలైన టీజర్‌కు, ఈ ట్రైలర్‌కు సంబంధమే లేదన్నట్లుగా.. ‘ఏజెంట్’ ప్లాట్‌లైన్ గురించి పెద్దగా రివీల్ చేయకుండా క్యురియాసిటీని పెంచారు. ప్రతి పాత్ర పెర్ఫార్మెన్స్, యాక్షన్ కొరియోగ్రఫీ, సినిమాటోగ్రఫీ, బీజీఏం, ప్రొడక్షన్ వాల్యూస్.. ఇలా అన్నిఎలిమెంట్స్ నెక్స్ట్ లెవల్‌లో వున్నాయి. ఈ క్రేజీ కాంబినేషన్ నుంచి ఆశించే అన్నిఅంశాలు ట్రైలర్‌లో వున్నాయి. డేరింగ్, డాషింగ్‌ వైల్డ్‌గా ఉండే పవర్-ప్యాక్డ్ ఏజెంట్ పాత్రలో అఖిల్ కనిపించారు. అఖిల్ తన స్టంట్స్, వైల్డ్ పెర్ఫార్మెన్స్‌తో.. ఇది మాములు సినిమా కాదనేలా తెలియజేస్తే.. సూపర్ స్టార్ మమ్ముట్టి (Mammootty), డినో మోరియా (Dino Morea) సినిమాకు మరింత వాల్యుని జోడించారు. ఇందులో సాక్షి వైద్య (Sakshi Vaidya) రొమాంటిక్ ఎపిసోడ్‌లలో కనిపించింది. రసూల్ ఎల్లోర్ ప్రతి ఫ్రేమ్‌ని చాలా స్టైలిష్‌గా క్యాప్చర్ చేశారు. హిప్ హాప్ తమిళ సంగీతం మరో పెద్ద ఎసెట్ అనేలా ఉంది. మొత్తంగా ఈ ట్రైలర్‌తో.. ప్రేక్షకులు త్వరలో ఓ హాలీవుడ్ (Hollywood) తరహా సినిమా చూడబోతున్నట్లుగా అయితే అనిపించింది. ప్రస్తుతం ఈ ట్రైలర్ టాప్‌లో ట్రెండ్ అవుతోంది.
ఈ ట్రైలర్ లాంచ్ వేడుకలో అఖిల్ అక్కినేని (Akhil Akkineni Speech) మాట్లాడుతూ.. ప్రేక్షకులు ఇచ్చిన ప్రేమ, అభిమానం, ఎనర్జీ .. వచ్చే పదిరోజులు రిలీజ్ వరకూ నాకు ఎంతో ఉపయోగపడుతుంది. అందరికీ కృతజ్ఞతలు. ఏజెంట్ రెండేళ్ళ జర్నీ. ఈ జర్నీని మాటల్లో ఎలా చెప్పాలో అర్థం కావడం లేదు. ఈ జర్నీలో మానసికంగా చాలా మారాను. నాకు సినిమా, అభిమానులు అంటే ఎంత పిచ్చో ఇంకా అర్థమైంది. ప్రేక్షకుల అభిమానం గుండెల్లో దాచిపెట్టుకుంటాను. సాక్షి వైద్య ఏజెంట్‌లో సర్ ప్రైజ్ ప్యాకేజ్. సినిమా అంటే తనకి ప్రాణం. హిప్ హాప్ తమిళ ప్రాణం పెట్టి మ్యూజిక్ చేశారు. బీజీఏం చాలా వైల్డ్‌గా వుంటుంది. అనిల్ సుంకర‌గారు నా బ్యాక్ బోన్. అభిమానుల కోసం ఇంత పెద్ద సినిమా చేద్దాం.. అందరికీ పిచ్చెక్కిపోవాలని అన్నారు. అదే మాట మీద నిలబడ్డారు. ఆయన నా సపోర్ట్ సిస్టమ్. ఏజెంట్ క్రెడిట్ అంతా దర్శకుడు సురేందర్ రెడ్డి (Surender Reddy)గారికే ఇస్తాను. నన్ను ఇలా చూపించాలని ఊహించింది ఆయనే. నన్ను ఎప్పుడూ ఇలా ఊహించుకోలేదు. ఈ రోజు ఇంత నమ్మకంగా మాట్లాడుతున్నానంటే ఏజెంట్ ఇచ్చిన ధైర్యం. ఏజెంట్ నాకు ధైర్యాన్ని ఇచ్చింది. అభిమానులు నాపై ఎంత బరువు పెట్టినా దాన్ని మోస్తాను, మీ కోసం వైల్డ్‌గా వస్తూనే వుంటాను. ఏప్రిల్ 28న థియేటర్లో పిచ్చెక్కిపోవాలని అన్నారు.
ఇవి కూడా చదవండి:
************************************************
*OG: అఫీషియల్.. పవన్ సరసన నటించే హీరోయిన్ ఎవరంటే..
*Tollywood: మైత్రీ మూవీ మేకర్స్, సుకుమార్ కార్యాలయాల్లో ఐటీ దాడులు
*Taapsee Pannu: సౌత్ సినీ ఇండస్ట్రీని ఇంత చీప్‌గా తీసేసిందేంటి?
*Trisha: కార్తీతో కెమిస్ట్రీపై.. త్రిష ఆసక్తికర వ్యాఖ్యలు
*Kanchu Kagada: ఎన్టీఆర్‌ అభిమానుల ఆందోళన.. వెనక్కి తగ్గని కృష్ణ!