Akshay Kumar: యంగ్ హీరోయిన్లతో చొక్కా లేకుండా బాలీవుడ్ హీరో డ్యాన్స్.. ఆడేసుకుంటున్న నెటిజన్లు

బాలీవుడ్‌లోని టాప్ హీరోల్లో అక్షయ్ కుమార్ (Akshay Kumar) ఒకరు. ఈ హీరో ఏడాది నాలుగు నుంచి ఐదు సినిమాలతో ప్రేక్షకులను పలకరిస్తూ ఉంటాడు.

బాలీవుడ్‌లోని టాప్ హీరోల్లో అక్షయ్ కుమార్ (Akshay Kumar) ఒకరు. ఈ హీరో ఏడాది నాలుగు నుంచి ఐదు సినిమాలతో ప్రేక్షకులను పలకరిస్తూ ఉంటాడు. ఈ ఏడాది కూడా ఎప్పటిలాగే వరుస సినిమాలతో ప్రేక్షకుల ముందుకు వచ్చాడు. కానీ, అవన్నీ దాదాపు ఫెయిల్యూర్స్‌గా మిగిలిపోయాయి. అయితే.. ఈ స్టార్ సినిమాలతోనే కాకుండా ఎంటర్‌టైన్‌మెంట్ టూర్లు కూడా చేస్తుంటాడు. ఇందులో భాగంగా తాజాగా ఆయన యూఎస్ టూర్‌లో పాల్గొన్నాడు. ఈ టూర్‌లో ఆయనతో పాటు దిశా పటానీ (Disha Patani), నోరా ఫతేహీ (Nora Fatehi), మౌనీ రాయ్, సోనమ్ బజ్వా, అపర శక్తి ఖురానా వంటి పలువురు బాలీవుడ్ నటుడు పార్టిసిపేట్ చేశారు.

తాజాగా ఈ టూర్‌కి సంబంధించిన వీడియో ఒకటి నెట్టింట తెగ హల్‌చల్ చేస్తోంది. అందులో యంగ్ హీరోయిన్ల అయినా మౌనీ రాయ్ (Mouni Roy), సోనమ్ బజ్వా(Sonam Bajwa)తో అక్షయ్ కుమార్ ‘ఖిలాడీ 786’ (Khiladi 786) చిత్రంలోని బాల్మా పాటకు డ్యాన్స్ చేస్తున్నాడు. అది కూడా షార్ట్ లేకుండా చేస్తున్నాడు. ఇది చూసిన పలువురు నెటిజన్లు అక్షయ్‌ని విమర్శిస్తూ కామెంట్లు చేస్తున్నారు. వారిలో.. ‘59 ఏళ్ల చొక్కా లేని అంకుల్ 23- 24 ఏళ్ల అమ్మాయిలతో డ్యాన్స్ చేయడం, గగుర్పాటు కలిగించే స్టెప్పులు వేయడం చూస్తుంటే చాలా భయంకరంగా ఉంది. అక్షయ్ కుమార్ ఎంతకి దిగజారిపోయాడు’ అని క్యాప్షన్ రాసి ఒకరు ఈ వీడియోని షేర్ చేశాడు. దానికి.. ‘ఇది భారతీయ సంస్కృతి కాదు. ఇది కెనడియన్ సంస్కృతి’.. ‘అతను ఏం చేసిన ఎవరు అవార్డు ఇవ్వరని ఎవరైనా చెప్పండి’.. ‘అక్షయ్‌ని చూస్తుంటే సిగ్గేస్తుంది’.. ‘విదేశాల్లోని టూర్‌లో భారతీయ సంస్కృతిని ఇలా చూపిస్తారా’ అని వరుసగా పలువురు కామెంట్లు చేస్తున్నారు. అదే సమయంలో మరికొందరేమో అక్షయ్ సపోర్టుగా మాట్లాడుతున్నారు. ‘ఆ వయసులోనూ అక్షయ్ మీకంటే యంగ్‌గా కనిపిస్తున్నాడు’.. ‘59 ఏళ్ల వయస్సులో నా బాడీ అలా ఉంటే.. నేను చాలా అరుదుగా షర్ట్ వేసుకుంటా’ అని పలువురు కామెంట్లు చేస్తున్నారు. (criticism on Akshay Kumar)

కాగా.. ఇటీవలే ‘సెల్ఫీ’ అనే చిత్రంతో బాలీవుడ్ ప్రేక్షకులను పలకరించిన అక్షయ్ కుమార్ ప్రస్తుతం తమిళ చిత్రం ‘సూరారై పొట్రు’ రిమేక్‌లో నటిస్తున్నాడు. సుధా కొంగర దర్శకత్వం వహించిన ఈ చిత్రంలో తమిళ నటుడు సూర్య హీరోగా నటించాడు. ఈ మూవీ 2020లో డైరెక్ట్‌గా ఓటీటీలో విడుదలైన పాజిటివ్ టాక్‌ని సొంతం చేసుకుంది. కాగా.. హిందీ రిమేక్‌ని మాత్రం సెప్టెంబర్ 1 ప్రపంచవ్యాప్తంగా థియేటర్లతో విడుదల చేయడానికి మేకర్స్ ప్లాన్ చేస్తున్నారు.