కమ్మనైన వివాహాలు కుదర్చడంలో40 సంవత్సరాల సుదీర్ఘ అనుభవం ఉన్న కాకతీయ మ్యారేజెస్‌లో ఇప్పుడు ప్రీమియం మెంబర్‌షిప్‌ ఉచితం ఫోన్|| 9390 999 999, 7674 86 8080

AskSRK: ‘జవాన్’.. మరికొన్ని ఆసక్తికర విషయాలు చెప్పిన బాలీవుడ్ కింగ్ ఖాన్

ABN, First Publish Date - 2023-08-28T13:11:53+05:30

బాలీవుడ్ కింగ్ ఖాన్ షారూఖ్ ఖాన్ నటించిన తాజా చిత్రం ‘జవాన్’. ఈ సినిమాపై రోజురోజుకీ అంచనాలు పెరుగుతున్నాయి. అభిమానులు, ఆడియెన్స్ ఈ సినిమా కోసం ఎంతో ఆతృతగా ఎదురు చూస్తున్నారు. సెప్టెంబ‌ర్ 7న ఈ సినిమా గ్రాండ్‌గా విడుదల కాబోతోంది. తాజాగా #AskSRKలో జ‌వాన్ గురించి నెటిజ‌న్స్ కొన్ని ఆస‌క్తిక‌ర‌మైన ప్ర‌శ్న‌లు అడుగగా.. షారూఖ్‌ కూడా అంతే ఆసక్తికరంగా స‌మాధానాలు ఇచ్చారు.

Shah Rukh Khan in Jawan

బాలీవుడ్ కింగ్ ఖాన్ షారూఖ్ ఖాన్ (Shah Rukh Khan) నటించిన తాజా చిత్రం ‘జవాన్’ (Jawan). ఈ సినిమాపై రోజురోజుకీ అంచనాలు పెరుగుతున్నాయి. అభిమానులు, ఆడియెన్స్ ఈ సినిమా కోసం ఎంతో ఆతృతగా ఎదురు చూస్తున్నారు. సెప్టెంబ‌ర్ 7న ఈ సినిమా గ్రాండ్‌గా విడుదల కాబోతోంది. ఈ సంద‌ర్భంగా షారూఖ్ ఖాన్ #AskSRK అంటూ సోష‌ల్ మీడియాలో నెటిజ‌న్స్‌తో ముచ్చ‌టిస్తున్న సంగ‌తి తెలిసిందే. తాజాగా #AskSRKలో జ‌వాన్ గురించి నెటిజ‌న్స్ షారూఖ్‌ను కొన్ని ఆస‌క్తిక‌ర‌మైన ప్ర‌శ్న‌లు వేయ‌గా.. ఆయ‌న కూడా అంతే ఆసక్తికరంగా స‌మాధానాలు ఇచ్చారు. అవేంటంటే.. (Shah Rukh Khan Chit Chat with Netizens)

* ‘జవాన్’లో షారూఖ్ పాత్రను ఓ పదంలో చెప్పండి

- మ‌హిళ‌లు.. ‘జవాన్’ సినిమాను మ‌హిళ‌లే న‌డిపిస్తారు. ఇది మ‌హిళ‌ల గొప్ప‌తనాన్ని పురుషుల‌కు తెలియ‌జేసేలా తెర‌కెక్కిన చిత్ర. మాస్, క్లాస్ అనే తేడా లేకుండా ప్రేక్ష‌కుల‌ందరికీ న‌చ్చుతుంది.

* మోష‌న్ పోస్ట‌ర్ మీద ఓ ప‌ద్యం చెప్పండి..

- మీరు అంద‌రూ మోష‌న్ పోస్టర్ మీద ఒక్కొక్క‌రు ఓ ప‌ద్యాన్ని రాసి నాకు పంపండి.. ఎవ‌రూ బాగా రాశారో చూద్దాం.

*న్యాయానికి గ‌ల 5 ముఖాలేంటి?

- ఈ సినిమాలో అలాంటివి చాలా ముఖాలే ఉంటాయి. రేపు థియేట‌ర్‌లో అవేంటో స్క్రీన్‌పై చూస్తారు. అప్పుడు తెలుస్తుంది.

*జ‌వాన్ మూవీలో గుండుతో క‌నిపించ‌డం....

- ‘జ‌వాన్’ సినిమాలో నేను గుండుతో క‌నిపించ‌టం చాలా మందిని ఆశ్చ‌ర్య‌ప‌రిచింది. ‘ప‌ఠాన్’ సినిమాలో పొడ‌వాటి జుట్టుతో న‌టించాను. ఆ వెంట‌నే చేసిన ‘జ‌వాన్’ మూవీలో గుండు లుక్‌తో న‌టించాను. ఇది నా పిల్ల‌ల‌పై ఎలాంటి ప్రభావం చూపుతుందోన‌ని ఎదురు చూస్తున్నాను.. హ హ(నవ్వుతూ..)

* జ‌వాన్ సినిమాను ఎన్ని సార్లు చూడొచ్చు

- ఓ సారి మ‌న‌సు కోసం, ఓసారి త‌నువు కోసం, ఓ సారి ఫ‌న్ కోసం, నా అభిమాని అయితే నా కోసం ఓసారి.. మొత్తంగా ఓ నాలుగు సార్లు చూడండి.

* జ‌వాన్‌ను ఎవ‌రెవ‌రు చూడొచ్చు

- పిల్ల‌ల నుంచి ముస‌లివాళ్ల వ‌ర‌కు అంద‌రూ చూడొచ్చు. అందరినీ అలరించే కంటెంట్ ఇందులో ఉంది.

* జ‌వాన్‌లో బెస్ట్ షూటింగ్ ఎక్స్‌పీరియెన్స్‌

- జ‌వాన్‌లో చాలా లుక్స్‌, చాలా షేడ్స్ చేశాను. చాలా క‌ష్ట‌ప‌డ్డాం. అయితే సినిమాను ఫైన‌ల్‌గా చూసిన త‌ర్వాత‌ అంద‌రూ ఎంజాయ్ చేశారు.

*జ‌వాన్ ప్రివ్యూ 2 ఉంటుందా!

- ప్రివ్యూ మ‌ళ్లీ రీ లోడ్ చేయించాలా లేక పాట‌ను రిలీజ్ చేస్తున్నాం.. దాన్ని రిలీజ్ చేయాలా!. మీరంద‌రూ ఆలోచించి చెప్పండి. డైరెక్ట‌ర్ అట్లీతో మాట్లాడి చెబుదాం. ఏదైనా త‌ను చేయాల్సిందే.. అంటూ కింగ్ ఖాన్ చెప్పుకొచ్చారు.

కాగా, యాక్ష‌న్ ఎంట‌ర్‌టైన‌ర్‌గా తెరకెక్కిన ఈ చిత్రానికి సంబంధించి.. ఇప్ప‌టికే విడుద‌లైన ప్రివ్యూతో పాటు న‌టీన‌టుల పోస్ట‌ర్స్‌, రెండు సాంగ్స్‌ను మేక‌ర్స్ విడుద‌ల చేశారు. దీంతో సినిమాపై భారీగానే అంచనాలు నెలకొన్నాయి. ఈ చిత్రాన్ని రెడ్ చిల్లీస్ ఎంట‌ర్‌టైన్మెంట్ బ్యాన‌ర్‌పై అట్లీ (Atlee) ద‌ర్శ‌క‌త్వంలో గౌరీ ఖాన్ నిర్మిస్తున్నారు. గౌర‌వ్ వ‌ర్మ ఈ సినిమాకు స‌హ నిర్మాత‌. సెప్టెంబ‌ర్ 7న ఈ చిత్రం ప్ర‌పంచ వ్యాప్తంగా హిందీ, తెలుగు, త‌మిళ భాషల్లో రిలీజ్ కాబోతోంది.