Pathaan trailer: ఆ డైరెక్టర్‌కి సినిమాలు తీయడం చేతకాదు.. విమర్శలు గుప్పించిన కేఆర్‌కే
ABN, First Publish Date - 2023-01-10T14:49:33+05:30
ఈ ఏడాది బాలీవుడ్‌తో పాటు దేశవ్యాప్తంగా ఎంతోమంది సినీ లవర్స్ ఆసక్తితో ఎదురు చూస్తున్న చిత్రాల్లో ‘పఠాన్’ (Pathaan) ఒకటి.
ఈ ఏడాది బాలీవుడ్‌తో పాటు దేశవ్యాప్తంగా ఎంతోమంది సినీ లవర్స్ ఆసక్తితో ఎదురు చూస్తున్న చిత్రాల్లో ‘పఠాన్’ (Pathaan) ఒకటి. చాలా గ్యాప్ తర్వాత షారుఖ్ ఖాన్ (Shah Rukh Khan) హీరోగా నటిస్తున్న ఈ చిత్రానికి సిద్ధార్థ్ ఆనంద్ (Siddharth Anand) దర్శకత్వం వహిస్తున్నాడు. ఈ మూవీ ట్రైలర్ తాజాగా విడుదలైంది. ఈ తరుణంలో ఈ మూవీ డైరెక్టర్‌పై బాలీవుడ్ సినీ విశ్లేషకుడు కమాల్ ఆర్ ఖాన్ (Kamaal R Khan) సంచలన వ్యాఖ్యలు చేశాడు.
కేఆర్‌కే సోషల్ మీడియాలో చేసిన ట్వీట్‌లో.. ‘మరోసారి హృతిక్ రోషన్ ‘వార్’ చూసిన తర్వాత, దర్శకుడు సిద్ధార్థ్ ఆనంద్ మంచి సినిమా తీయలేడని 100% గ్యారెంటీతో చెప్పగలను. అతనికి స్క్రిప్ట్ గురించి అస్సలు తెలియదు. విదేశీ సినిమాల సీన్లను కాపీ కొట్టడం మాత్రమే అతనికి తెలుసు. ఎవరైనా రెండోసారి ఆ సినిమాని ఎందుకు చూస్తారు’ అని రాసుకొచ్చాడు.
అలాగే ‘పఠాన్’ ట్రైలర్‌పై కేఆర్‌కే స్పందిస్తూ.. ‘‘పఠాన్’ ట్రైలర్ చూసిన నేను జీవితంలో మొదటిసారి షాక్‌కి గురయ్యాను. నేను ఇది మాత్రమే చెప్పగలను.. ఏంటి ఈ చెత్త ?. ఇంత చెత్త సినిమా షారుఖ్ ఎలా చేశాడు? జాన్ అబ్రహాం మూవీ ‘ఎటాక్’ కథ కూడా అదే విధంగా ఉంది కదా. అది డిజాస్టర్ అయ్యింది’ అని రాసుకొచ్చాడు. కాగా.. దీపికా పదుకొనే హీరోయిన్‌గా నటిస్తున్న ఈ మూవీ జనవరి 25న ప్రపంచవ్యాప్తంగా హిందీతోపాటు తెలుగు, తమిళం భాషల్లో విడుదల కానుంది.