Hrithik Roshan: 48 ఏళ్ల వయస్సులో 8 ప్యాక్స్.. ప్రశంసలు కురిపిస్తున్న ఫ్యాన్స్
ABN, First Publish Date - 2023-01-03T12:00:24+05:30
బాలీవుడ్ స్టార్ హీరో హృతిక్ రోషన్‌ (Hrithik Roshan)కి ఉన్న క్రేజ్ గురించి తెలిసిందే.
బాలీవుడ్ స్టార్ హీరో హృతిక్ రోషన్‌ (Hrithik Roshan)కి ఉన్న క్రేజ్ గురించి తెలిసిందే. ‘క్రిష్’ (Krrish) అనే సూపర్ హీరో చిత్రంతో దేశవ్యాప్తంగా గుర్తింపు పొందాడు. హృతిక్ సినిమాలకే కాకుండా ఆయన ఫిట్‌నెస్‌ (Fitness)కి కూడా చాలామంది అభిమానులు ఉన్నారు. గత కొన్నేళ్లుగా తన బాడీని చాలా ఫిట్‌గా మెయిన్‌టెన్ చేస్తూ ఆకట్టుకుంటున్నారు. తాజాగా 48 ఏళ్ల వయస్సులోనూ ఆయన 8 ప్యాక్స్‌తో (8 Pack abs) ఉండడం విశేషం.
నూతన సంవత్సరం సందర్భంగా హృతిక్ రోషన్‌ సోషల్ మీడియాలో ఓ పోస్ట్‌ని షేర్ చేశాడు. జిమ్‌లోని అద్దంలో తన షర్ట్‌ని పైకి జరిపి 8 ప్యాక్స్ చూపిస్తున్న పిక్స్‌ని షేర్ చేశాడు. ఆ పోస్ట్‌కి ‘అంతా ఒకే.. వెళ్దాం #2023’ అని రాసుకొచ్చాడు. ఈ పిక్ ప్రస్తుతం నెట్టింట హల్‌చల్ చేస్తోంది. దీంతో ఎంతోమంది నెటిజన్లు ప్రశంసలు కురిపిస్తున్నారు. ‘ఏంటది. మాలాంటి సాధారణ మనుషులు ఇలా కండలు పెంచొచ్చా. లేక మీరు డిఫరెంటా!’.. ‘మీకు అంత మోటివేషన్ ఎక్కడి నుంచి వస్తోంది’.. ‘మైండ్ బ్లోయింగ్’ అంటూ వరుసగా కామెంట్స్ చేస్తున్నారు.