Anushka Sharma : అనుష్క మరోసారి తల్లి కానుందంటూ.. వైరల్‌!
ABN, First Publish Date - 2023-09-30T14:30:56+05:30
టీమ్‌ ఇండియా మాజీ కెప్టెన విరాట్‌ కోహ్లీ (Virat kohli), బాలీవుడ్‌ బ్యూటీ అనుష్కశర్మ కొన్నేళ్ల ప్రేమాయణం తర్వాత 2017లో మూడుముళ్ల బంధంతో ఒకటయ్యారు. ఇద్దరూ ఎవరి వృత్తిలో వారు బిజీగా గడుపుతున్నారు.
టీమ్‌ ఇండియా మాజీ కెప్టెన విరాట్‌ కోహ్లీ (Virat kohli), బాలీవుడ్‌ బ్యూటీ అనుష్కశర్మ కొన్నేళ్ల ప్రేమాయణం తర్వాత 2017లో మూడుముళ్ల బంధంతో ఒకటయ్యారు. ఇద్దరూ ఎవరి వృత్తిలో వారు బిజీగా గడుపుతున్నారు. 2021లో ఈ దంపతులు వామిక అనే బిడ్డకు జన్మనిచ్చిన సంగతి తెలిసిందే! ఇప్పుడు ఈ జంట మరోసారి తల్లిదండ్రులు కాబోతున్నారనే వార్త నెట్టింట హల్‌చల్‌ చేస్తోంది. ఆ గుడ్‌న్యూస్‌ త్వరలోనే బయటకు రాబోతుందనే వార్త కూడా వైరల్‌ అవుతోంది. అనుష్క ప్రస్తుతం గర్భవతి అని సోషల్‌ మీడియాలో వార్తలు ప్రచారం చేస్తున్నారు. అయితే ఈ విషయంపై అనుష్క, విరాట్‌ కోహ్లీ ఎక్కడ ప్రకటించలేదు. త్వరలోనే ఈ వార్త బయటకు వస్తుందని అభిమానులు ఆశిస్తున్నారు. నవంబర్‌ 5న విరాట్‌ పుట్టినరోజు సందర్భంగా ఈ శుభవార్తను అభిమానులతో పంచుకుంటారని భావిస్తున్నారు.
ఈ ఽమధ్యకాలంలో అనుష్క కూడా బయటి ప్రైవేట్‌ పార్టీల్లో ఎక్కడా కనిపించడం లేదు. కెమెరాకు చిక్కిందీ లేదు. దాంతో ఈ వార్తకు మరింత బలం చేకూరినట్లయింది. ప్రస్తుతం అనుష్క శర్మ బాలీవుడ్‌ స్పోర్ట్స్‌ ఇతివృత్తంతో రూపొందుతున్న ఓ చిత్రంలో నటిస్తోంది.