Toronto: టొరంటోలో ప్రారంభమైన తెలుగు చిత్రం

6 సినిమాస్ ప్రొడక్షన్స్ బ్యానర్‌‌పై వరుణ్ కోరుకొండ (Varun Korukonda) దర్శకత్వంలో సూర్య బెజవాడ (Surya Bejawada) నిర్మిస్తోన్న

6 సినిమాస్ ప్రొడక్షన్స్ బ్యానర్‌‌పై వరుణ్ కోరుకొండ (Varun Korukonda) దర్శకత్వంలో సూర్య బెజవాడ (Surya Bejawada) నిర్మిస్తోన్న సినిమాని టొరంటో (Toronto)లో వైభవంగా తెలుగు ప్రేక్షకుల మధ్య ప్రారంభించారు. ఈ కార్యక్రమానికి టొరంటో కాన్సులేట్ జనరల్ ఆఫ్ ఇండియా అపూర్వ శ్రీవాస్థవ (Apoorva Srivastava) ముఖ్య అతిథిగా పాల్గొన్నారు. ఎన్నో అవార్డ్ విన్నింగ్ షార్ట్ ఫిలింస్‌కు దర్శకత్వం వహించిన వరుణ్ కోరుకొండ.. తొలిసారి ఫీచర్ ఫిలిం‌ను డైరెక్ట్ చేయబోతున్నారు. తన లఘు చిత్రాల తరహాలోనే థ్రిల్లింగ్ నేపథ్యంలో ఈ సినిమా ఉండబోతోంది.

ఈ సందర్భంగా దర్శకుడు వరుణ్ కోరుకొండ మాట్లాడుతూ.. ప్యాషన్‌తో తెరకెక్కిస్తున్న ఈ కామెడీ థ్రిల్లర్ టైటిల్ మరియు ఫస్ట్ లుక్‌ను త్వరలో విడుదల చేయనున్నాం. వెన్నెల కిషోర్‌ (Vennela Kishore)తో పాటు పలువురు ప్రముఖ నటీనటులు ఈ కామెడీ థ్రిల్లర్ సినిమాలో ఇంపార్టెంట్ రోల్స్‌లో కనిపించనున్నారు. అత్యున్నత సాంకేతిక ప్రమాణాలతో ఈ సినిమాని తెరకెక్కించనున్నామని తెలుపగా.. అన్ని వర్గాల ప్రేక్షకులను అలరించేలా ఈ సినిమా ఉంటుందని చిత్ర నిర్మాత సూర్య బెజవాడ తెలిపారు.