Tamannaah: ఆ సినిమాతో నా పనైపోయిందనుకున్నా!

కథానాయికగా తమన్నాది దాదాపు రెండు దశాబ్దాల ప్రయాణం. ఈ జర్నీలో ఎన్నో ఆటుపోట్లను, ఎత్తు పల్లాలను చేశారామె! బాలీవుడ్‌, టాలీవుడ్‌, కోలీవుడ్‌లో కథానాయికగా విభిన్నమైన పాత్రలు పోషించారు.

కథానాయికగా తమన్నాది (Tamannaah) దాదాపు రెండు దశాబ్దాల ప్రయాణం. ఈ జర్నీలో ఎన్నో ఆటుపోట్లను, ఎత్తు పల్లాలను చేశారామె! (Career beginning days)బాలీవుడ్‌, టాలీవుడ్‌, కోలీవుడ్‌లో కథానాయికగా విభిన్నమైన పాత్రలు పోషించారు. బాలీవుడ్‌ నుంచి కోలీవుడ్‌ వయా టాలీవుడ్‌లో సక్సెస్‌ఫుల్‌గా సాగుతోంది. ఇటీవల ఆమె 35వ వసంతంలోకి అడుగుపెట్టారు. ఈ ఏడాది పుట్టినరోజు వేడుకలో పలు ఆసక్తికర విషయాలు వెల్లడించారు. ‘‘15 ఏళ్ల వయసులో నేను ఇండస్ట్రీలో అడుగుపెట్టా. మొదట ‘సాంద్‌ సా రోషన్‌ షహానా’ హిందీ చిత్రంలో నటించా. అది ఫ్లాప్‌ అయింది. అదే ఏడాది తెలుగులో నటించిన ‘శ్రీ’ చిత్రం ఫెయిల్‌ అయింది. దాంతో నా పని అయిపోయిందనుకున్నా. అలాంటి సమయంలో శేఖర్‌ కమ్ముల దర్శకత్వంలో ‘హ్యాపీడేస్‌’ చిత్రంలో నటించే అవకాశం వచ్చింది. ఆ చిత్రం విజయం సాధించడంతో వరుసగా అవకాశాలు వరించాయి. దాంతో నటిగా నిలబడగలిగాను. దక్షిణాది, ఉత్తరాది భాషల్లో నటిగా రాణిస్తున్నా. అప్పుడప్పుడు ప్రత్యేక గీతాల్లో కూడా అవకాశాలొస్తున్నాయి. మరిన్ని విభిన్న పాత్రల్లో నటించి అభిమానులను సంతోషపరచాలన్నదే నా కోరిక’’ అని తమన్నాఅన్నారు. (Sri movie, Happy days)