Unstoppable: ప్రభాస్ బాహుబలి ఎపిసోడ్ రెండు పార్టులు
ABN, First Publish Date - 2022-12-28T17:53:57+05:30
ఆహా ఓ.టి.టి. (Aha OTT platform) లో వచ్చే ఈ ప్రభాస్ ఎపిసోడ్ ఇంటర్వ్యూ కోసం ప్రభాస్ అభిమానులు ఎదురు చూస్తున్నారు. అయితే ఇది ఎప్పుడు ప్రసారం అవుతోంది అన్న విషయం ఆహా నిర్వాహకులు బుధవారం ట్విట్టర్ వేదికగా ప్రకటించారు.
గ్లోబల్ స్టార్ ప్రభాస్ (Prabhas) చాలా కాలం తరువాత ఒక రియాలిటీ షో అన్ స్టాపబుల్ (Prabhas episode in Unstoppable aired in two parts, announced Aha channel) లో కనపడుతున్నారు. ఈ ఎపిసోడ్ వీడియో ప్రోమోలు ఇప్పటికే అన్ని సాంఘీక మాధ్యమాల్లో విపరీతంగా వైరల్ అవుతున్నాయి. ఆహా ఓ.టి.టి. (Aha OTT platform) లో వచ్చే ఈ ప్రభాస్ ఎపిసోడ్ ఇంటర్వ్యూ కోసం ప్రభాస్ అభిమానులు ఎదురు చూస్తున్నారు. అయితే ఇది ఎప్పుడు ప్రసారం అవుతోంది అన్న విషయం ఆహా నిర్వాహకులు బుధవారం ట్విట్టర్ వేదికగా ప్రకటించారు. ప్రభాస్ సినిమా 'బాహుబలి' (Bahubali) సినిమా ఎలా రెండు భాగాలుగా విడుదల అయిందో, ఈ ప్రభాస్ ఇంటర్వ్యూ కూడా రెండు భాగాలుగా ప్రసారం చేయ నున్నారని ప్రకటించారు. ఎందుకంటే ఈ ఇంటర్వ్యూ చాలా పెద్దగా వుంది, అలాగే అందులో కంటెంట్ అంతా చాలా ముఖ్యమైందని అందువల్ల దానిని ఎడిట్ చెయ్యడానికి అవలేదని చెప్పారు. అందువల్ల ఈ ఇంటర్వ్యూ ని రెండు భాగాలుగా ప్రసారం చేసి ప్రభాస్ అభిమానులకి డబుల్ ధమాకా లా బోనస్ ఇస్తున్నారు.
మొదటి ఎపిసోడ్ డిసెంబర్ 30వ తేదీన ప్రసారం అవుతుందని, రెండో ఎపిసోడ్ జనవరి 6న ప్రసారం అవుతుందని ప్రకటించారు. అంటే ఈ ఇయర్ ఎండ్ లో, అలాగే ఇంకోటి కొత్త సంవత్సరం మొదట్లో రెండు ప్లాన్ చేశారు.
ప్రభాస్ ఈమధ్య కాలం లో ఎక్కడ ఇంటర్వ్యూ ఇవ్వటం కానీ, లేదా టీవీ లో కనపడటం కానీ చెయ్యలేదు. ఇప్పుడు మొదటి సారిగా ఈ ఓ.టి.టి ఛానల్ కి వచ్చి మాట్లాడటం జరిగింది. అలాగే ప్రభాస్ జీవితం లో జరిగిన చాలా సంఘటనలను ఈ ఇంటర్వ్యూ లో అడిగినట్టుగా తెలిసింది. అలాగే చాలా ఫన్ ప్రశ్నలు కూడా వున్నాయి. మొత్తానికి ఇవన్నీ కలిపి రెండు భాగాలుగా అయ్యాయి. ఈ ఎపిసోడ్ లోనే ప్రభాస్ కి మంచి స్నేహితుడు, నటుడు గోపీచంద్ కూడా చివర్లో ప్రభాస్ తో జాయిన్ అయి ప్రభాస్ సీక్రెట్స్ ని కొన్ని (ఫన్) బయట పెడతాడు. ప్రభాస్, గోపీచంద్ ఇద్దరూ చాలా కాలం నుంచి మంచి స్నేహితులు అన్న విషయం అందరికీ తెలిసిందే.