Satyam Rajesh: సత్యం రాజేష్ చిత్రానికి తెలంగాణ మినిస్టర్ క్లాప్
ABN, First Publish Date - 2022-12-22T13:49:54+05:30
సత్యం రాజేష్ (Satyam Rajesh), రిహ (Riha), సునీత (Sunitha) హీరోహీరోయిన్లుగా మధుసూదన్ రెడ్డి (Madhusudhan Reddy) స్వీయ దర్శకత్వంలో తెరకెక్కుతున్న నూతన చిత్రం..
సత్యం రాజేష్ (Satyam Rajesh), రిహ (Riha), సునీత (Sunitha) హీరోహీరోయిన్లుగా మధుసూదన్ రెడ్డి (Madhusudhan Reddy) స్వీయ దర్శకత్వంలో తెరకెక్కుతున్న నూతన చిత్రం గురువారం పూజా కార్యక్రమాలతో ప్రారంభమైంది. ఈ కార్యక్రమానికి తెలంగాణ బీసీ వెల్ఫేర్ మరియు సివిల్ సప్లైస్ మినిస్టర్ గంగుల కమలాకర్ (Gangula Kamalakar) ముఖ్య అతిథిగా హాజరై.. ముహూర్తపు సన్నివేశానికి హీరోహీరోయిన్లపై క్లాప్ కొట్టారు.
ఔట్ అండ్ ఔట్ కామెడీ ఎంటర్టైనర్గా ఈ సినిమా తెరకెక్కనుందని.. కరీంనగర్ పరిసర ప్రాంతాల్లో ఈ చిత్ర రెగ్యులర్ షూటింగ్ డిసెంబర్ నుండి ప్రారంభం అవుతుందని చిత్ర దర్శకుడు తెలిపారు. సప్తగిరి, శ్రీనివాస్ రెడ్డి, మధు నందన్, చమ్మక్ చంద్ర తదితరులు ఇతర పాత్రలలో నటిస్తున్నారు. మంచి కథ, కథనాలతో తెరకెక్కుతున్న ఈ చిత్రం అన్ని వర్గాల ప్రేక్షకులను దృష్టిలో ఉంచుకొని రూపొందిందబడుతుందని.. త్వరలోనే చిత్ర టైటిల్, ఫస్ట్ లుక్ను విడుదల చేస్తామని చిత్ర యూనిట్ తెలియజేశారు. కాగా, ఈ సినిమాకు బాల్ రెడ్డి సినిమాటోగ్రఫీ, భీమ్స్ స్వరాలు, బొంతల నాగేశ్వర రెడ్డి ఎడిటింగ్, భూపతి యాదగిరి ప్రొడక్షన్ డిజైనింగ్ బాధ్యతలను నిర్వహించనున్నారు. (Satyam Rajesh New Movie Launched)