Unstoppable: కింగ్ నాగార్జున చేతుల మీదుగా..
ABN, First Publish Date - 2022-12-26T16:11:54+05:30
‘పిల్లా నువ్వులేని జీవితం, ఈడోరకం ఆడోరకం’ వంటి చిత్రాలకు రచయితగా తనదైన ముద్రవేసుకున్న డైమండ్ రత్నబాబు దర్శకత్వంలో రూపొందుతున్న హిలేరియస్ ఎంటర్‌టైనర్..
‘పిల్లా నువ్వులేని జీవితం, ఈడోరకం ఆడోరకం’ వంటి చిత్రాలకు రచయితగా తనదైన ముద్రవేసుకున్న డైమండ్ రత్నబాబు దర్శకత్వంలో రూపొందుతున్న హిలేరియస్ ఎంటర్‌టైనర్ చిత్రం ‘అన్‌స్టాపబుల్’ (Unstoppable). ‘అన్ లిమిటెడ్ ఫన్’ అన్నది ఉపశీర్షిక. బిగ్‌బాస్ విన్నర్ విజె సన్నీ (VJ Sunny), సప్తగిరి (Saptagiri) హీరోలుగా నటిస్తున్న ఈ చిత్రంలో నక్షత్ర, అక్సాఖాన్ హీరోయిన్లు. ఎ2బి ఇండియా ప్రొడక్షన్ (A2B India Production)లో రజిత్ రావు ఈ చిత్రాన్ని నిర్మిస్తున్నారు. హైదరాబాద్, నిజామాబాద్, గోవాలో చిత్రీకరణ జరుపుకున్న ఈ చిత్రం షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది. తాజాగా ఈ చిత్ర టీజర్‌ను కింగ్ నాగార్జున (King Nagarjuna) విడుదల చేసి.. టీమ్‌కి శుభాకాంక్షలు తెలిపారు.
‘‘ట్విస్టులకే టీ షర్ట్ వేసినట్లుండే ఇద్దరు ఇలఖత మఫిలియా గురించి మీకు చెప్తా’’ అంటూ 30 ఇయర్స్ పృథ్వీ వాయిస్‌తో మొదలైన టీజర్ ఆద్యంతం వినోదంగా సాగింది. సన్నీ, సప్తగిరిలను మోసగాళ్ళయిన బెస్ట్ ఫ్రెండ్స్‌గా పరిచయం చేశారు. హాస్యనటులు బిత్తిరి సత్తి, షకలక శంకర్, రఘుబాబు పాత్రలు ఫన్ రైడ్‌గా సాగాయి. టీజర్‌లో వినిపించిన డైలాగులు అద్భుతంగా పేలాయి. స్క్రీన్‌ప్లే రసవత్తరంగా వుంది. టీజర్ మొత్తం హిలేరియస్‌గా వుంది. డైమండ్ రత్నబాబు తన మార్క్ ఎంటర్‌టైనర్‌తో థియేటర్స్‌లో నవ్వులు పూయించడానికి వస్తున్నారని టీజర్ చూస్తే అర్ధమౌతోంది. భీమ్స్ సిసిరోలియో ( Bheems Ceciroleo) బ్యాక్‌గ్రౌండ్ స్కోర్ మరో పెద్ద అసెట్. ప్రస్తుతం ఈ టీజర్ సోషల్ మీడియాలో వైరల్ అవుతోంది. కాగా.. త్వరలోనే సినిమా విడుదల తేదీని మేకర్స్ ప్రకటించనున్నారు.