Dil Raju: డబ్బింగ్ సినిమాల నుంచి టాలీవుడ్‌కు గట్టి పోటీ

డిస్ట్రిబ్యూటర్‌గా తన ప్రస్థానాన్ని ప్రారంభించి అంచెలంచెలుగా ఎదిగిన వ్యక్తి దిల్ రాజు (Dil Raju). డిస్ట్రిబ్యూటర్‌గా రాణిస్తూనే టాలీవుడ్‌లో బడా నిర్మాతగా పేరు తెచ్చుకున్నారు. ఒక బ్రాండ్‌గా గుర్తింపును సంపాదించుకున్నారు.

డిస్ట్రిబ్యూటర్‌గా తన ప్రస్థానాన్ని ప్రారంభించి అంచెలంచెలుగా ఎదిగిన వ్యక్తి దిల్ రాజు (Dil Raju). డిస్ట్రిబ్యూటర్‌గా రాణిస్తూనే టాలీవుడ్‌లో బడా నిర్మాతగా పేరు తెచ్చుకున్నారు. ఒక బ్రాండ్‌గా గుర్తింపును సంపాదించుకున్నారు. తెలుగు రాష్ట్రాల్లో సంక్రాంతి అనేది పెద్ద పండగ. అందువల్ల రాజు ఈ పండగకు ఏదైనా సినిమాను తప్పకుండా విడుదల చేస్తుంటారు. తాజాగా ఆయన నిర్మించిన చిత్రం ‘వారిసు’ (Varisu). కోలీవుడ్ స్టార్ విజయ్ హీరోగా నటించాడు. ఈ సినిమా తెలుగులో ‘వారసుడు’ టైటిల్‌తో ప్రేక్షకుల ముందుకు రానుంది. సంక్రాంతి సందర్భంగా విడుదల కానుంది. అజిత్ నటించిన ‘తెగింపు’, చిరంజీవి ‘వాల్తేరు వీరయ్య’, బాలకృష్ణ ‘వీరసింహా రెడ్డి’ పండగ సందర్భంగానే రిలీజ్ కానున్నాయి.

డబ్బింగ్ చిత్రాలైన ‘వారసుడు’, ‘తెగింపు’ నుంచి.. టాలీవుడ్ సినిమాలకు గట్టి పోటీ ఎదరు కానుంది. ఈ రెండు మూవీస్‌ను నైజాం, ఉత్తరాంధ్ర ఏరియాలో దిల్ రాజు విడుదల చేస్తున్నారు. ఈ రెండు ప్రాంతాల్లో ఆయనకు గట్టిపట్టుంది. అందువల్ల వీలైనన్ని ఎక్కువ థియేటర్స్‌లో సినిమాను రిలీజ్ చేసి రెవెన్యూను రాబట్టుకోవడానికి ప్రయత్నిస్తారు. దిల్ రాజు ప్రతి ఏడాది 25కు పైగా చిత్రాలను డిస్ట్రిబ్యూట్ చేస్తుంటారు. అందువల్ల ఎగ్జిబిటర్స్ ఆయనకు తప్పకుండా ప్రాధాన్యమిస్తారు. ‘వాల్తేరు వీరయ్య’, ‘వీరసింహా రెడ్డి’ చిత్రాలను మైత్రీ మూవీ మేకర్స్ నిర్మించిన సంగతి తెలిసిందే. ఈ రెండు సినిమాలను ఆ సంస్థ నైజాంలో సొంతంగా డిస్ట్రిబ్యూట్ చేస్తుంది. కానీ, డిస్ట్రిబ్యూషన్ రంగంలోకి తొలిసారిగా అడుగుపెట్టిన మైత్రీ సంస్థ రెండు భారీ చిత్రాలను ఎన్ని థియేటర్స్‌లో రిలీజ్ చేస్తుందో తెలియాలంటే కొంతకాలం వేచి చూడాల్సిందే.