Vinaro Bhagyamu Vishnu Katha: ఫస్ట్ సింగిల్‌ విడుదలకి అన్ని సిద్ధం

మెగా ప్రొడ్యూస‌ర్ అల్లు అరవింద్ (Allu Aravaind) స‌మ‌ర్ప‌ణ‌లో ప్రతిష్టాత్మక నిర్మాణ సంస్థ జీఏ2 పిక్చ‌ర్స్ (GA 2 Pictures) బ్యాన‌ర్‌పై తెరకెక్కుతున్న చిత్రం ‘వినరో భాగ్యము విష్ణు కథ’ (Vinaro Bhagyamu Vishnu Katha). స‌క్సెస్ ఫుల్ ప్రొడ్యూస‌ర్ బ‌న్నీ వాసు నిర్మాత‌గా వ్యవహరిస్తున్నారు.

మెగా ప్రొడ్యూస‌ర్ అల్లు అరవింద్ (Allu Aravaind) స‌మ‌ర్ప‌ణ‌లో ప్రతిష్టాత్మక నిర్మాణ సంస్థ జీఏ2 పిక్చ‌ర్స్ (GA 2 Pictures) బ్యాన‌ర్‌పై తెరకెక్కుతున్న చిత్రం ‘వినరో భాగ్యము విష్ణు కథ’ (Vinaro Bhagyamu Vishnu Katha). స‌క్సెస్ ఫుల్ ప్రొడ్యూస‌ర్ బ‌న్నీ వాసు నిర్మాత‌గా వ్యవహరిస్తున్నారు. ‘భలే భలే మగాడివోయ్’, ‘గీత గోవిందం’, ‘టాక్సీవాలా’, ‘ప్రతిరోజూ పండగే’, ‘మోస్ట్ ఎలిజిబుల్ బ్యాచ్‌లర్’, ‘18 పేజెస్’ లాంటి అద్భుతమైన చిత్రాల తర్వాత జీఏ 2 పిక్చర్స్ బ్యానర్లో వస్తున్న సినిమా ఇది.

వరుస విజయాలతో తనకంటూ ప్రత్యేక గుర్తింపు సంపాదించుకున్న యంగ్ హీరో కిర‌ణ్ అబ్బ‌వ‌రం (Kiran Abbavaram) ఈ చిత్రంలో హీరోగా నటిస్తున్నారు. ఆయన సరసన క‌శ్మీర ప‌ర్ధేశీ హీరోయిన్‌గా నటిస్తోంది. తిరుమల తిరుపతి నేపథ్యంలో తెరకెక్కుతోన్న ‘వినరో భాగ్యము విష్ణుకథ’ సినిమాతో ముర‌ళి కిషోర్ అబ్బురు ద‌ర్శ‌కుడిగా తెలుగు ఇండస్ట్రీకి ప‌రిచయం అవుతున్నారు. ఇదివరకే ఈ చిత్ర టీజర్‌కి మంచి రెస్పాన్స్ వచ్చింది.

ఈ సినిమా నుంచి మొదటి సింగిల్ సాంగ్‌‌ను రిలీజ్‌కి చిత్రబృందం సిద్ధం చేస్తుంది. ‘వాసవసుహాస’ (Vaasava Suhaasa) అనే పాటను డిసంబర్ 24న సాయంత్రం గం.6:19 నిమిషాలకు రిలీజ్ చేయనున్నట్లు అధికారికంగా ప్రకటించారు. దీనికి సంబంధించిన సాంగ్ ప్రోమోని మూవీ టీం విడుదల చేసింది. ఈ సినిమాకి చైత‌న్ భరద్వాజ్ సంగీతం అందిస్తున్నారు.

మార్తాండ్ కె వెంకటేష్ ఎడిటింగ్ చేస్తున్న ఈ సినిమాకు విశ్వాస్ సినిమాటోగ్రఫీ అందిస్తున్నారు. ఈ చిత్రానికి స‌హ నిర్మాత‌గా బాబు వ్య‌వ‌హ‌రిస్తున్నారు. స‌త్యాగమిడి, శ‌రత్ చంద్రనాయుడు ఎక్స్‌క్యూటివ్ నిర్మాత‌లు ఈ సినిమా 2023 ఫిబ్రవరి 17న విడుదల కానుంది. త్వ‌ర‌లోనే ఈ చిత్రానికి సంబంధించిన మ‌రిన్ని వివ‌రాలు అధికారికంగా విడుద‌ల చేయనున్నారు.