Adivi Sesh: నేను హీరో కావడానికి ఆ సినిమానే కారణం

సినీ ఇండస్ట్రీలో గాడ్ ఫాదర్ అనేది లేకుండా అంచెలంచెలుగా ఎదిగిన నటుడు అడివి శేష్ (Adivi Sesh). కెరీర్ ఆరంభంలో చిన్న, చిన్న రోల్స్ చేశాడు. అతిథి పాత్రల్లోను మెరిశాడు. అనంతరం తన కథలను తానే రాసుకుని హీరోగా మారాడు.

సినీ ఇండస్ట్రీలో గాడ్ ఫాదర్ అనేది లేకుండా అంచెలంచెలుగా ఎదిగిన నటుడు అడివి శేష్ (Adivi Sesh). కెరీర్ ఆరంభంలో చిన్న, చిన్న రోల్స్ చేశాడు. అతిథి పాత్రల్లోను మెరిశాడు. అనంతరం తన కథలను తానే రాసుకుని హీరోగా మారాడు. ‘క్షణం’, ‘గూఢచారి’, ‘ఎవరు’ వంటి చిత్రాలతో ప్రేక్షకులను అలరించాడు. తాజాగా అతడు మీడియాకు ఇంటర్వ్యూ ఇచ్చాడు. తాను చూసిన ఓ సినిమాను ప్రస్తావిస్తూ.. హీరోగా మారడానికి ఆ చిత్రం ఒక కారణమని చెప్పాడు.

‘‘రజినీకాంత్ నటించిన బాషా (Baashha)ను నేను చూశాను. నేను హీరోగా మారడానికి ఆ సినిమా కూడా ఒక్క కారణం’’ అని అడివి శేష్ తెలిపాడు. బాషాలో రజినీకాంత్ డాన్‌గా నటించాడు. మాణిక్కం, మాణిక్ బాషా పాత్రల్లో కనిపించాడు. ఈ చిత్రం సంచలన విజయం సాధించి కల్ట్ క్లాసిక్‌గా నిలిచింది. శేష్ డిసెంబర్ 17న పుట్టిన రోజు జరుపుకొన్నాడు. సెలబ్రిటీలు అనేక మంది అతడికి విషెస్ చెప్పారు. ఈ నేపథ్యంలో అందరికి రిప్లై ఇస్తూ సోషల్ మీడియాలో పోస్ట్ పెట్టాడు. ‘‘కుటుంబ సభ్యులు, స్నేహితులతో నా పుట్టిన రోజు అద్భుతంగా గడిచింది. శుభాకాంక్షలు తెలిపిన అందరికి కృతజ్ఞతలు’’ అని శేష్ ట్విట్టర్‌లో మెసేజ్‌ను షేర్ చేశాడు. అడివి శేష్ చివరగా ‘హిట్: ది సెకండ్ కేస్’ (HIT: The Second Case) లో నటించాడు. శైలేష్ కొలను తెరకెక్కించిన ఈ చిత్రం బాక్సాఫీస్ వద్ద భారీ విజయం సాధించింది. డిస్ట్రిబ్యూటర్స్ అందరికి లాభాలను పంచిపెట్టింది. ఈ చిత్రం ఓవర్సీస్‌లోను మిలియన్ డాలర్స్ కలెక్షన్స్‌ను కొల్లగొట్టింది. ఈ మూవీ విజయం సాధించడంతో పాన్ ఇండియాగా రిలీజ్ చేయాలని మేకర్స్ నిర్ణయించుకున్నారు. అతి త్వరలోనే విడుదల తేదీని ప్రకటించనున్నారు.