Ajith Kumar: సంక్రాంతి బరిలో 'తెగింపు'

కోలీవుడ్‌లోని స్టార్ హీరోల్లో అజిత్ కుమార్ (Ajith Kumar) ఒకరు. అభిమానుల్లో అతడికి విపరీతమైన ఫ్యాన్ ఫాలోయింగ్ ఉంది. అతడు నటించే సినిమాలు తెలుగు‌లోను డబ్ అవుతుంటాయి. ‘వివేకం’, ‘వలీమై’ వంటి చిత్రాలతో తెలుగు ప్రేక్షకులకు చేరువయ్యాడు.

కోలీవుడ్‌లోని స్టార్ హీరోల్లో అజిత్ కుమార్ (Ajith Kumar) ఒకరు. అభిమానుల్లో అతడికి విపరీతమైన ఫ్యాన్ ఫాలోయింగ్ ఉంది. అతడు నటించే సినిమాలు తెలుగు‌లోను డబ్ అవుతుంటాయి. ‘వివేకం’, ‘వలీమై’ వంటి చిత్రాలతో తెలుగు ప్రేక్షకులకు కూడా చేరువయ్యాడు. తాజాగా మరో మూవీతో టాలీవుడ్ ఆడియన్స్ ముందుకు రానున్నాడు. సంక్రాంతి బరిలోకి దిగనున్నాడు.

అజిత్ హీరోగా నటించిన సినిమా ‘తునివు’ (Thunivu). మంజువారియర్ హీరోయిన్‌గా నటించింది. ఈ మూవీ తెలుగులో ‘తెగింపు’ టైటిల్‌తో రిలీజ్ కానుంది. సంక్రంతి పండగ సందర్భంగా థియేటర్స్‌లో విడుదల కానుంది. మేకర్స్ త్వరలోనే రిలీజ్ డేట్‌ను ప్రకటిస్తారు. ఈ సినిమాకు హెచ్. వినోద్ (H.Vinoth) దర్శకత్వం వహించాడు. బోనీ కపూర్, జీ స్టూడియోస్ సంయుక్తంగా నిర్మించాయి. జిబ్రాన్ సంగీతాన్ని అందించాడు. సినిమాటోగ్రాఫర్‌గా నీరవ్ షా బాధ్యతలు నిర్వహించాడు. రాధాకృష్ణ ఎంటర్‌టైన్‌మెంట్స్, ఐవీవై ప్రొడక్షన్ సంయుక్తంగా తెగింపు చిత్రాన్ని తెలుగు రాష్ట్రాల్లో రిలీజ్ చేస్తోంది. ఈ చిత్రంలో జాన్ కొక్కెన్, సముద్రఖని కీలక పాత్రలు పోషించారు. ఇక అజిత్ కెరీర్ విషయానికి వస్తే.. చివరగా ‘వలీమై’ లో నటించాడు. ఈ చిత్రం కోలీవుడ్‌లో భారీ విజయం సాధించింది. ‘తునివు’ తర్వాత విఘ్నేశ్ శివన్‌తో అజిత్ సినిమా చేయనున్నాడు. లైకా ప్రొడక్షన్స్ భారీ బడ్జెట్‌తో చిత్రాన్ని రూపొందించనుంది.