Pushpa 2: రష్మిక మందన్నా‌కు సాయిపల్లవి చెక్ పెడుతోందా?

ఐకాన్ స్టార్ అల్లు అర్జున్ (Allu Arjun), క్రియేటివ్ డైరెక్టర్ సుకుమార్ (Sukumar) కాంబినేషన్‌లో వచ్చిన ‘పుష్ప’ (Pushpa) చిత్రం.. ఎటువంటి సంచనాలను క్రియేట్ చేసిందో, ఎన్ని అవార్డులను కొల్లగొట్టిందో.. తెలియంది కాదు. వాస్తవానికి ఈ సినిమా..

ఐకాన్ స్టార్ అల్లు అర్జున్ (Allu Arjun), క్రియేటివ్ డైరెక్టర్ సుకుమార్ (Sukumar) కాంబినేషన్‌లో వచ్చిన ‘పుష్ప’ (Pushpa) చిత్రం.. ఎటువంటి సంచనాలను క్రియేట్ చేసిందో, ఎన్ని అవార్డులను కొల్లగొట్టిందో.. తెలియంది కాదు. వాస్తవానికి ఈ సినిమా విడుదలైన మొదటి రోజు.. నెగిటివ్ టాక్ వచ్చింది. ఇక కష్టమే అనుకుంటున్న సమయంలో.. అనూహ్యంగా సినిమా పుంజుకుని.. ఆ తర్వాత పాన్ ఇండియా వైజ్‌‌గా భారీ విజయాన్ని అందుకుంది. పాన్ ఇండియానే కాదు.. ప్రపంచవ్యాప్తంగా ఈ సినిమాలోని డైలాగ్స్ వైరల్ అయ్యాయి. ముఖ్యంగా ‘నీయవ్వ తగ్గేదే లే’ అనే పదం.. ఇప్పటికీ ట్రెండింగ్‌లోనే ఉంది. క్రికెట్, ఫుట్‌బాల్ క్రీడాకారులు సైతం ఈ డైలాగ్‌ని అనుకరించారు. సెంట్రల్ లెవల్‌లో రాజకీయనాయకులు ఈ డైలాగ్‌తో ఎలక్షన్ క్యాంపెయిన్ నిర్వహించారు. అలా ఒక్కరేమిటి.. చిన్న పిల్లాడి నుంచి.. పండు ముదుసలి వరకు ఆ డైలాగ్ చెప్పని వారు, గెడ్డం క్రింద చెయ్యి తిప్పని వారు లేరుంటే అతిశయోక్తి కానే కాదు. ఇక ఇప్పుడు ‘పుష్ప’ రెండో ఘట్టానికి సిద్ధమవుతోంది. ఈసారి పుష్పరాజ్ రూల్ చేసేందుకు సిద్ధమవుతున్నాడు. అయితే.. ఈ రెండో పార్ట్‌కి సంబంధించి కొన్ని వార్తలు ఈ మధ్య బాగా వైరల్ అవుతున్నాయి. అందులో ముఖ్యమైనది హీరోయిన్ రష్మిక మందన్నాకు సంబంధించిన వార్త కావడం విశేషం. ఈ పార్ట్‌లో రష్మిక మందన్నా (Rashmika Mandanna) ప్లేస్‌లో టాలెంటెడ్ హీరోయిన్ సాయిపల్లవి (Sai Pallavi)ని తీసుకుంటున్నట్లుగా కొన్ని రోజులుగా సోషల్ మీడియాలో వార్తలు నడుస్తున్నాయి. అయితే రీసెంట్‌గా రష్యాలో ‘పుష్ప’ విడుదలైనప్పుడు కూడా రష్మిక టీమ్ వెంటే ఉండటంతో ఆ వార్తలలో నిజం లేదనేది తెలిసింది. కానీ, ఇందులో సాయిపల్లవికి ఛాన్స్ ఉన్నట్లుగా అయితే తెలుస్తుంది.

రష్మికకు సాయిపల్లవి చెక్ పెట్టడం లేదు కానీ.. ఈ పార్ట్‌లో సాయిపల్లవి కోసం సుకుమార్ ఓ పవర్ ఫుల్ పాత్రని క్రియేట్ చేసినట్లుగా తాజాగా ఫిల్మ్ సర్కిల్స్‌లో వినబడుతోంది. ఆ మధ్య ఓ వేదికపై సాయిపల్లవిని సుకుమార్ పొగడ్తలతో ముంచెత్తారు. ‘లేడీ పవర్‌స్టార్’ (Lady Powerstar)గా ఆమెని అభివర్ణించారు. సాయిపల్లవి టాలెంట్‌కి ఆయన ఫిదా అయినట్లుగా చెప్పుకొచ్చారు. మరి అలాంటి హీరోయిన్‌కి తన సినిమాలో ఛాన్స్ కల్పించాలని అనుకున్నాడో.. లేదంటే కథ డిమాండ్ ప్రకారమే జరిగిందో తెలియదు కానీ.. ఇందులో పుష్పరాజ్‌కి చెల్లిలి పాత్రని సుకుమార్ క్రియేట్ చేసినట్లుగా టాక్ నడుస్తుంది. ఆ పాత్రకే సాయిపల్లవిని తీసుకోబోతున్నట్లుగా సమాచారం. ఒకవేళ సాయిపల్లవి ఈ పాత్రని చేయకపోతే.. మరో టాలెంటెడ్ హీరోయిన్ ఐశ్వర్య రాజేష్‌ (Aishwarya Rajesh)‌ని సెకండ్ ఆప్షన్‌గా టీమ్ భావిస్తున్నట్లుగా కూడా తెలుస్తుంది. సుకుమార్ సృష్టిస్తోన్న ఈ పాత్ర.. గిరిజన యువతి పాత్ర అని, దాదాపు 20 నిమిషాల పాటు ఈ పాత్రకి నిడివి ఉంటుందని టాక్ నడుస్తుంది. అయితే.. ఈ వార్తలపై మాత్రం మేకర్స్ ఇంత వరకు రియాక్ట్ కాలేదు.. అలాగే అధికారికంగానూ ప్రకటించలేదు. మరి ఈ వార్తలపై మేకర్స్ ఎలా స్పందిస్తారో చూడాలి.