Puri Jagannadh: సల్మాన్ ఖాన్‌తో సినిమా!

పరాజయం ఎదరైనప్పుడల్లా గోడకు కొట్టిన బంతిలా వెనక్కి వచ్చి విజయాన్ని అందుకునే దర్శకుడు పూరీ జగన్నాథ్ (Puri Jagannadh). హీరోల క్యారెక్టరైజేషన్‌తో పాటు డైలాగ్స్ క్రియేట్ చేయడంలో అతడి స్టైలే వేరు.

పరాజయం ఎదరైనప్పుడల్లా గోడకు కొట్టిన బంతిలా వెనక్కి వచ్చి విజయాన్ని అందుకునే దర్శకుడు పూరీ జగన్నాథ్ (Puri Jagannadh). హీరోల క్యారెక్టరైజేషన్‌తో పాటు డైలాగ్స్ క్రియేట్ చేయడంలో అతడి స్టైలే వేరు. పూరీ చివరగా ‘లైగర్’ (Liger) కు దర్శకత్వం వహించాడు. భారీ అంచనాల మధ్య ప్రేక్షకుల ముందుకు వచ్చిన ఈ చిత్రం ప్రేక్షకులను మెప్పించలేకపోయింది. బాక్సాఫీస్ వద్ద భారీ పరాజయాన్ని మూటగట్టుకుంది. దీంతో పూరీ.. అన్నింటిని మర్చిపోయి విజయాల బాట పట్టాలని ఆశిస్తున్నాడు. ఓ ప్రాజెక్టును సెట్ చేసే పనిలో పడ్డాడు.

పూరీ జగన్నాథ్ బాలీవుడ్ స్టార్ హీరో సల్మాన్ ఖాన్ (Salman Khan)తో సినిమా చేయనున్నాడని ఫిల్మ్ నగర్ వర్గాలు తెలుపుతున్నాయి. సల్మాన్ కూడా తన అంగీకారం తెలిపాడని సమాచారం అందుతుంది. సల్లూ భాయ్ కోసం పూరీ పవర్ ఫుల్ స్క్రిఫ్ట్‌ను సిద్ధం చేసే పనిలో పడ్డాడు. అతడికి త్వరలోనే పూర్తి స్థాయి స్క్రిఫ్ట్‌ను వినిపిస్తాడని తెలుస్తోంది. ఈ చిత్రాన్ని యాక్షన్ ఎంటర్‌టైనర్‌గా తెరకెక్కించే ఆలోచనలో పూరీ ఉన్నాడట. గతంలోను ఈ విధంగా పరాజయాలు ఎదురైనప్పుడు పూరీ బాలీవుడ్‌లో ఓ సినిమా చేశాడు. అమితాబ్ బచ్చన్ హీరోగా ‘బుడ్డా హోగా తేరా బాప్’ (Bbuddah Hoga Terra Baap)ను తెరకెక్కించాడు. ఈ చిత్రం మంచి విజయం సాధించింది. హిందీ చిత్ర పరిశ్రమలో పూరీకి మంచి గుర్తింపును సాధించిపెట్టింది. ఇక లైగర్ విషయానికి వస్తే.. ఈ చిత్రంలో విజయ్ దేవరకొండ, అనన్య పాండే హీరో, హీరోయిన్‌గా నటించారు. రమ్య కృష్ణ, చంకీ పాండే, రోనిత్ రాయ్ కీలక పాత్రలు పోషించారు. భారీ బడ్జెట్‌తో పాన్ ఇండియాగా ఈ చిత్రాన్ని రూపొందించారు. ఈ చిత్రం పెట్టిన పెట్టుబడిని తిరిగి రాబట్టలేక బాక్సాఫీస్ వద్ద చతికిలపడింది.