Nayanthara: God father గురించి లేఖలో ఏమన్నారంటే!
ABN, First Publish Date - 2022-10-09T22:15:12+05:30
‘‘గాడ్‌ఫాదర్‌’ (God father)చిత్రాన్ని బ్లాక్‌బస్టర్‌ హిట్‌ చేసిన సినీ ప్రియులకు, అభిమానులకు కృతజ్ఞతలు తెలిపారు లేడీ సూపర్‌స్టార్‌ నయనతార(Nayanthara). ఈ చిత్రం తనకెంతో ప్రత్యేకమని, కుటుంబ సభ్యులందరితో కలిసి ఈ చిత్రాన్ని ఎంజాయ్‌ చేస్తున్నందుకు ఆనందిస్తున్నానని అన్నారు.
‘‘గాడ్‌ఫాదర్‌’ (God father)చిత్రాన్ని బ్లాక్‌బస్టర్‌ హిట్‌ చేసిన సినీ ప్రియులకు, అభిమానులకు కృతజ్ఞతలు తెలిపారు లేడీ సూపర్‌స్టార్‌ నయనతార(Nayanthara). ఈ చిత్రం తనకెంతో ప్రత్యేకమని, కుటుంబ సభ్యులందరితో కలిసి ఈ చిత్రాన్ని ఎంజాయ్‌ చేస్తున్నందుకు ఆనందిస్తున్నానని అన్నారు. చిరంజీవి (Chiranjeevi)ప్రధాన పాత్ర పోషించిన చిత్రమిది. మోహన్‌రాజా (Mohanraja) దర్శకత్వం వహించిన ఈ చిత్రంలో నయనతార సత్యప్రియగా కీలక పాత్ర పోషించారు. సినిమా సక్సెస్‌ పట్ల నయనతార (Nayanthara happy with god father)ఆనందం వ్యక్తం చేస్తూ.. ప్రతి ఒక్కరికీ కృతజ్ఞతలు తెలుపుతూ ట్విట్టర్‌లో ఓ లేఖ పోస్ట్‌ చేశారు.
‘‘ముఖ్యమైన వ్యక్తులు, చక్కని టీమ్‌తో పని చేయడం వల్ల ఈ చిత్రం నాకెంతో ప్రత్యేకంగా మారింది. ‘సైరా’ తర్వాత చిరంజీవితో మరోసారి యాక్ట్‌ చేయడం అదృష్టంగా భావిస్తున్నా. ఆయన మంచి వ్యక్తి, గొప్ప నటుడు. పెర్ఫార్మెన్స్‌కు పవర్‌హౌస్‌ లాంటి వ్యక్తి ఆయన. సెట్‌లో ఆయనతో ఉన్న ప్రతిక్షణాన్నీ ఎప్పటికీ గుర్తు పెట్టుకుంటా. సత్యప్రియ లాంటి బలమైన పాత్రకు నేను ప్రాణం పోయగలనని నమ్మి మూడోసారి తన చిత్రంలో నన్ను భాగం చేసిన మోహన్‌రాజాకు థ్యాంక్స్‌. సల్మాన్‌ఖాన్‌ని అందరూ ఎందుకు ప్రేమిస్తారో ఈ సినిమా తెలియజేస్తుంది, ఆయన రాకతో ఈ చిత్రానికి మరింత భారీతనం వచ్చింది. నాతోటి నటీనటులకు, నా పాత్ర బాగా రావడానికి కృషి చేసిన అందరికీ, నా చెల్లి తాన్యాకు సత్యదేవ్‌ ధన్యవాదాలు. ఏ ఆర్టిస్ట్‌కైనా, సాంకేతిక నిపుణుడికైనా ఆర్‌.బి.చౌదరి, ఎన్వీ ప్రసాద్‌ డ్రీమ్స్‌ ప్రొడ్యూసర్స్‌. పండుగ సీజన్‌ పెద్ద హిట్‌ ఇచ్చిన ఆడియన్స్‌కి కృతజ్ఞతలు చెబుతున్నా’’ అని నయనతార పేర్కొన్నారు.