Nani30: న్యూ ఇయర్ రోజు నాని ఇచ్చే ట్రీట్ ఇదే..
ABN, First Publish Date - 2022-12-30T20:35:37+05:30
న్యాచురల్ స్టార్ నాని (Natural Star Nani).. ఫ్యామిలీ ఆడియన్స్ తో పాటు మాస్‌లోనూ మంచి ఫాలోయింగ్ సంపాదించుకున్న అరుదైన నటుడు. ప్రస్తుతం నాని నటిస్తున్న..
న్యాచురల్ స్టార్ నాని (Natural Star Nani).. ఫ్యామిలీ ఆడియన్స్ తో పాటు మాస్‌లోనూ మంచి ఫాలోయింగ్ సంపాదించుకున్న అరుదైన నటుడు. ప్రస్తుతం నాని నటిస్తున్న ‘దసరా’ (Dasara) చిత్రం మునుపెన్నడూ చూడని మాస్ క్యారెక్టర్‌లో ఆయన్ని ప్రెజెంట్ చేయబోతోంది. ఇక విలక్షణమైన కథలను ప్రయత్నించే నాని తన మైల్ స్టోన్ 30వ ప్రాజెక్ట్‌‌కు సిద్ధమవుతున్నారు. Nani30 వైర ఎంటర్‌టైన్‌మెంట్స్ (Vyra Entertainments) ప్రొడక్షన్ నంబర్ 1గా రూపొందబోతుంది. మోహన్ చెరుకూరి (సివిఎం) తన స్నేహితులు డాక్టర్ విజయేందర్ రెడ్డి తీగల, మూర్తి కెఎస్ కలిసి.. వైర ఎంటర్‌టైన్‌మెంట్స్ అనే బ్యానర్‌ని స్థాపించారు. మంచి కంటెంట్ సినిమాలు, కథ-కథనంతో వైవిధ్యం చూపాలనే దృక్పథంతో ఈ బ్యానర్‌ను స్థాపించినట్లుగా వారు తెలిపారు. తొలి చిత్రంగా నాని 30వ ప్రాజెక్ట్‌‌ని ప్రతిష్టాత్మకంగా నిర్మిస్తున్నారు. తమకు అవకాశం ఇచ్చిన నానికి ఈ సందర్భంగా వారు కృతజ్ఞతలు తెలిపారు.
నాని కథానాయకుడిగా నటించబోతున్న ఈ చిత్రం ఖచ్చితంగా విలక్షణమైన చిత్రంగా ఉంటుందని.. జనవరి 1వ తేదీ సాయంత్రం 4:05 గంటలకు #Nani30 వరల్డ్‌ని ఆవిష్కరించనున్నామని మేకర్స్ వెల్లడించారు. ఈ అనౌన్స్‌మెంట్‌కి సంబంధించిన పోస్టర్‌ బ్లాక్ అండ్ వైట్‌లో ఉండగా.. నాని కుర్చీలో కూర్చుని తన ఫోన్‌లో బ్రౌజ్ చేస్తున్నాడు. నాని30కి సంబంధించిన దర్శకుడు, ఇతర ముఖ్యమైన వివరాలు న్యూ ఇయర్ సందర్భంగా తెలియజేయనున్నారు.