Mahesh Babu: అప్పుడు 'జల్సా'..ఇప్పుడు 'ఆచార్య'..!

మన టాలీవుడ్ హీరోల మధ్య ఉన్న బంధం గురించి అందరికీ తెలిసిందే. ఒకరి సినిమాను ఒకరు ప్రమోట్ చేయడం..అభిమానుల్లో అంచనాలు పెంచడం దీని కోసం ఒకే వేదికపై వచ్చి సందడి చేయడం ఈ మధ్య కాలంలో చూస్తూనే ఉన్నాము.

మన టాలీవుడ్ హీరోల మధ్య ఉన్న బంధం గురించి అందరికీ తెలిసిందే. ఒకరి సినిమాను ఒకరు ప్రమోట్ చేయడం..అభిమానుల్లో అంచనాలు పెంచడం దీని కోసం ఒకే వేదికపై వచ్చి సందడి చేయడం ఈ మధ్య కాలంలో చూస్తూనే ఉన్నాము. ఇదే క్రమంలో ఒకరి సినిమాకు మరొకరు తన వాయిస్ అందించి సక్సెస్‌లో భాగమవుతున్నారు. అదే విధంగా సూపర్ స్టార్ ఇప్పుడు అన్నయ్య మెగాస్టార్ కోసం తన గాత్రాన్ని ఇవ్వబోతున్నట్టు తాజా సమాచారం.

చిరు తమ్ముడు పవర్ స్టార్ పవన్ కళ్యాణ్ నటించిన 'జల్సా' సినిమా కోసం అప్పుడు మహేశ్ తన వాయిస్ అందించారు. కథ ముందుకు సాగడంలో ఈ సినిమాకు మహేశ్ వాయిస్ ఎంతో తోడ్పడింది. 'జల్సా' మూవీలో స్క్రీన్ మీద పవర్ స్టార్ పవర్ ప్యాక్డ్ పర్ఫార్మెన్స్‌కు సూపర్ స్టార్ సాలీడ్ వాయిస్ ఓవర్ స్పెషల్ అట్రాక్షన్స్‌గా నిలిచింది. అయితే, ఇప్పుడు మెగాస్టార్ చిరంజీవి హీరోగా.. మెగా పవర్ స్టార్ రామ్ చరణ్ కీలక పాత్రలో నటించిన 'ఆచార్య' సినిమా కోసం మరోసారి తన వాయిస్ అందివ్వబోతున్నారట మహేశ్ బాబు. ఇదే నిజమైతే ఖచ్చితంగా 'ఆచార్య' స్క్రీన్ మీద సందడి చేస్తుంటే మహేశ్ వాయిస్ అదనపు ఆకర్షణగా నిలుస్తుందనడంలో సందేహం లేదు. వాస్తవంగా 'ఆచార్య' కోసం చరణ్ పోషించిన 'సిద్ధ' పాత్రకు ముందు మహేశ్‌నే అనుకున్నారు. కానీ, పలు కారణాల వల్ల మహేశ్ ప్లేస్‌ను మెగా తనయుడు రీప్లేస్ చేశాడు. 

అయితే, ఆన్‌స్క్రీన్‌పై మెగాస్టార్‌తో కనిపించలేకపోయినప్పటికీ ఆఫ్‌స్క్రీన్‌లో మాత్రం మహేశ్ భాగవబోతుండటం అభిమానులకు రెట్టింపు ఉత్సాహాన్నిస్తోంది. ఇక ఈ సినిమాలో కాజల్ అగర్వాల్, పూజా హెగ్డే హీరోయిన్స్‌గా నటించారు. కొరటాల శివ దర్శకత్వం వహించగా.. మణిశర్మ సంగీతం అందిస్తున్నారు. కొణిదెల ప్రొడక్షన్స్ కంపెనీ పతాకంపై శ్రీమతి సురేఖ సమర్పణలో మ్యాట్నీ ఎంటర్‌టైన్మెంట్స్ పతాకంపై నిరంజన్ రెడ్డి నిర్మిస్తున్నారు. ఈ నెల 29న భారీ స్థాయిలో ప్రేక్షకుల ముందుకు వస్తోంది మెగా మల్టీస్టారర్ 'ఆచార్య'. మరి బాక్సాఫీస్ వద్ద ఈ చిత్రం ఎలాంటి సంచలన విజయం అందుకుంటుందో చూడాలి.