ఇదో అందమైన ప్రయాణం!

‘‘నా నలభై ఐదేళ్ల సినీ జీవితంలో గుర్తుపెట్టుకోదిగిన అత్యుత్తమ చిత్రాల్లో ‘అనుకోని ప్రయాణం’ ఒకట’’న్నారు రాజేంద్రప్రసాద్‌...

‘‘నా నలభై ఐదేళ్ల సినీ జీవితంలో గుర్తుపెట్టుకోదిగిన అత్యుత్తమ చిత్రాల్లో ‘అనుకోని ప్రయాణం’ ఒకట’’న్నారు రాజేంద్రప్రసాద్‌. ఆయన కీలక పాత్ర పోషించిన చిత్రమిది. వెంకటేశ్‌ పెదిరెడ్ల దర్శకత్వం వహించారు. జగన్‌మోహన్‌ డివై నిర్మాత. శుక్రవారం విడుదల అవుతోంది. ఈ సందర్భంగా జరిగిన ప్రీ రిలీజ్‌ వేడుకలో రాజేంద్ర ప్రసాద్‌ మాట్లాడుతూ ‘‘అనుకోని ప్రయాణం లాంటి కథలు అరుదుగా వస్తుంటాయి. వచ్చినప్పుడు ఆదరించాల్సిన బాధ్యత ప్రేక్షకులదే’’ అన్నారు. ‘‘ఈ సినిమా కేవలం రాజేంద్ర ప్రసాద్‌ గారి ప్రోత్సాహం వల్లే సాధ్యమైంద’’న్నారు దర్శకుడు. చాలా రోజుల తరవాత మంచి పాత్ర చేశానని నటి ప్రేమ తెలిపారు. ఈ చిత్రంలో నరసింహరాజు కీలక పాత్ర పోషించారు.