Das Ka Dhamki: విశ్వక్‌కి ఆ పిల్ల ఆల్మోస్ట్ పడిపోయిందట..

యంగ్ హీరో విశ్వక్ సేన్ (Vishwaksen) నటిస్తోన్న తొలి పాన్ ఇండియా (Pan India) చిత్రం ‘దాస్ కా ధమ్కీ’ (Das Ka Dhamki). ఈ సినిమాకు టైటిల్ రోల్..

యంగ్ హీరో విశ్వక్ సేన్ (Vishwaksen) నటిస్తోన్న తొలి పాన్ ఇండియా (Pan India) చిత్రం ‘దాస్ కా ధమ్కీ’ (Das Ka Dhamki). ఈ సినిమాకు టైటిల్ రోల్ పోషిస్తుండటంతో పాటు దర్శకత్వం కూడా ఆయనే వహిస్తున్నారు. ఈ సినిమాకు సంబంధించి ఇప్పటికే విడుదలైన టీజర్, థియేట్రికల్ ట్రైలర్ మంచి స్పందనను రాబట్టుకున్న విషయం తెలిసిందే. అలాగే ఈ చిత్రంలోని ఫస్ట్ సింగిల్ ‘ఆల్మోస్ట్ పడిపోయిందే పిల్ల’ (Almost Padipoyinde Pilla) లిరికల్ వీడియోను ఇటీవల విడుదల చేయగా.. ప్రేక్షకుల నుంచి భారీ స్పందన రావడంతో సినిమా మ్యూజికల్ ప్రమోషన్స్ కూడా బ్లాక్ బస్టర్ నోట్‌లో ప్రారంభమయ్యాయి. తాజాగా ‘ఆల్మోస్ట్ పడిపోయిందే పిల్ల’ వీడియో సాంగ్‌ని కూడా వదిలి ప్రేక్షకులకు మేకర్స్ ఫుల్ ఫీస్ట్‌ను అందించారు. ప్రస్తుతం ఈ వీడియో సాంగ్ యూట్యూబ్‌లో టాప్‌లో ట్రెండ్ అవడమే కాకుండా.. సోషల్ మీడియాలో కూడా వైరల్ అవుతోంది.

లియోన్ జేమ్స్ లైవ్లీ బీట్‌లతో పెప్పీ నంబర్‌ని ఈ పాటని తీర్చిదిద్దగా.. పాట కోసం ఫారిన్ లోకేషన్స్ లోషూట్ చేసిన స్టైలిష్ విజువల్స్ ప్రత్యేక ఆకర్షణగా నిలిచాయి. ఆదిత్య ఆర్కేఎనర్జిటిక్‌గా పాడగా, పూర్ణా చారి సాహిత్యం అందించారు. విశ్వక్ సేన్, నివేదా పేతురాజ్ (Nivetha Pethuraj) స్టైలిష్ డ్యాన్స్ మూవ్‌లతో మెస్మరైజ్ చేశారు. అలాగే నివేదా పేతురాజ్ ఈ బీచ్‌సైడ్ సాంగ్‌లో తన గ్లామర్‌తో ఆకట్టుకుంది. యష్ మాస్టర్ కొరియోగ్రఫీలో.. లీడ్ పెయిర్ అద్భుతమైన కెమిస్ట్రీతో ఈ ‘ఆల్ మోస్ట్ పడిపోయిందే’ ఆకర్షణీయంగా వుంది. కాగా.. వన్మయే క్రియేషన్స్, విశ్వక్సేన్ సినిమాస్ బ్యానర్లపై కరాటే రాజు నిర్మిస్తున్న ఈ సినిమాకు ప్రసన్న కుమార్ బెజవాడ డైలాగ్స్ రాశారు. తెలుగు, తమిళం, మలయాళం, హిందీ భాషల్లో 17 ఫిబ్రవరి, 2023న ప్రపంచవ్యాప్తంగా ఈ చిత్రం విడుదలకానుంది.