Shah Rukh Khan: ప్రేమతో సుహానా ఖాన్‌కు జర్నల్
ABN, First Publish Date - 2022-12-22T19:48:25+05:30
బాలీవుడ్ బాక్సాఫీస్ రికార్డులను తిరగరాసే నటుడు షారూఖ్ ఖాన్ (Shah Rukh Khan). మూడు దశాబ్దాలుగా ప్రేక్షకులను అలరిస్తున్నాడు. షారూఖ్ వారసులు ఆర్యన్ ఖాన్, సుహానా ఖాన్ (Suhana Khan) కూడా త్వరలోనే బాలీవుడ్‌కు ఎంట్రీ ఇవ్వనున్నారు.
బాలీవుడ్ బాక్సాఫీస్ రికార్డులను తిరగరాసే నటుడు షారూఖ్ ఖాన్ (Shah Rukh Khan). మూడు దశాబ్దాలుగా ప్రేక్షకులను అలరిస్తున్నాడు. షారూఖ్ వారసులు ఆర్యన్ ఖాన్, సుహానా ఖాన్ (Suhana Khan) కూడా త్వరలోనే బాలీవుడ్‌కు ఎంట్రీ ఇవ్వనున్నారు. ఆర్యన్ ఖాన్ మెగా ఫోన్ పట్టుకుని డైరెక్టర్‌గా మారబోతున్నాడు. సుహానా ఖాన్ త్వరలోనే వెండితెర పైకి రంగప్రవేశం చేయనుంది. ‘ది అర్చీస్’ (The Archies) లో కీలక పాత్ర పోషిస్తుంది. ఈ సినిమాతోనే అగస్త్య నందా, ఖుషి కపూర్ బాలీవుడ్‌కు ఎంట్రీ ఇవ్వనున్నారు. ఈ మూవీ షూటింగ్‌ను సుహానా పూర్తి చేసింది. తండ్రి కింగ్ ఖాన్ తనకు ఇచ్చిన జర్నల్‌తో సుహానా తాజాగా సమయాన్ని గడుపుతుంది. అందుకు సంబంధించిన ఫొటోలను సోషల్ మీడియా వేదికగా అభిమానులతో పంచుకుంది.
షారూఖ్ కొన్నేళ్లుగా నటనకు సంబంధించిన మెలకువలను ఈ జర్నల్‌లో రాసుకున్నాడు. ‘ప్రేమతో సుహానా ఖాన్‌కు’ ఇస్తున్నట్టు కింగ్ ఖాన్ టెక్ట్స్‌ను రాశారు. షారూఖ్ 2014 నుంచి చేతి రాతతో ఈ జర్నల్‌ను రాసినట్టు తెలుస్తోంది. జర్నల్‌కు సంబంధించిన పిక్స్‌ను సుహానా ఖాన్ ఇన్‌స్టాగ్రామ్‌లో షేర్ చేసింది. కామెంట్‌ను కూడా రాసింది. ఈ కామెంట్‌కు షారూఖ్ ఖాన్ రిప్లై ఇచ్చాడు. ‘‘నటనకు సంబంధించిన ప్రతి విషయం నాకు తెలియదు. అందువల్ల కొన్నింటిని ఇక్కడ రాశాను. ఈ కొన్ని విషయాలను నువ్వు నేర్చుకుని నాకు నేర్పించాలి’’ అని షారూఖ్ తెలిపాడు. అమితాబ్ బచ్చన్ కూతురు శ్వేతా బచ్చన్ కూడా రిప్లై ఇచ్చింది. అపురూపం అని పేర్కొంది. ఇక సుహానా నటించిన అర్చీస్ విషయానికి వస్తే.. ఈ సినిమాకు జోయా అక్తర్ దర్శకత్వం వహిస్తుంది. టైగర్ బేబీ ప్రొడక్షన్స్‌తో కలసి నెట్‌ఫ్లిక్స్ నిర్మిస్తుంది. ఈ మూవీ షూటింగ్ పూర్తయింది. వచ్చే ఏడాది నేరుగా నెట్‌ఫ్లిక్స్‌లో స్ట్రీమింగ్ కానుంది.