‘ జెర్సీ’ హీరోయిన్ మృణాల్ ఠాకూర్‌కు కరోనా

‘ జెర్సీ’ హీరోయిన్ మృణాల్ ఠాకూర్ అభిమానులకు కొత్త ఏడాది మొదటి రోజునే చేదు కబురు అందింది. ఆమె కోవిడ్‌కు పాజిట్‌గా తేలింది.

‘ జెర్సీ’ హీరోయిన్ మృణాల్ ఠాకూర్ అభిమానులకు కొత్త ఏడాది మొదటి రోజునే చేదు కబురు అందింది. ఆమె కోవిడ్‌కు పాజిట్‌గా తేలింది. ఈ విషయాన్ని సోషల్ మీడియా వేదికగా ఆమె అభిమానులతో పంచుకుంది. గత కొన్ని వారాలు ‘ జెర్సీ ’ సినిమా ప్రమోషన్స్‌ల్లో ఆమె పాల్గొంది.

‘‘ నేను కోవిడ్ 19కు పాజిటివ్‌గా తేలాను. తేలికపాటి లక్షణాలు మాత్రమే ఉన్నాయి. నా ఆరోగ్యం నిలకడగానే ఉంది. ప్రస్తుతం ఐసోలేషన్‌లో ఉన్నాను. వైద్యుల పర్యవేక్షణలో చికిత్స తీసుకుంటున్నాను. ఈ మధ్య ఎవరైనా నన్ను కలిస్తే తప్పకుండా కోవిడ్ పరీక్ష చేయించుకోవాలని కోరుతున్నాను ’’ అని ఇన్‌స్టాగ్రామ్‌లో మృణాల్ ఠాకూర్ పేర్కొంది.

‘ జెర్సీ’ చిత్రంలో షాహిద్ కపూర్ సరసన ఆమె నటించింది. డిసెంబర్ 31న ఈ సినిమా విడుల కావాల్సి ఉంది. కానీ, కోవిడ్ కేసులు విపరీతంగా పెరుగుతుండటంతో సినిమా విడుదలను వాయిదా వేశారు.