కారులో కంటే బైక్‌పై వెళితే ఆ కిక్కే వేరు: సుమంత్ అశ్విన్
ABN, First Publish Date - 2021-09-30T00:32:17+05:30
కథ చెప్పగానే ఎగ్జైట్ అయ్యాను. అందరికీ ఫ్లాష్ బ్యాక్ ఎపిసోడ్స్ లేవు కానీ శ్రీకాంత్ గారికి ఉంది. లాస్ట్‌లో 20 మినిట్స్ స్నో మీద రైడ్, రేస్ ఆసక్తికరంగా ఉంటాయి. బైక్ నన్ను మాదాపూర్ రోడ్లపై నడపమంటే నడిపేస్తా. కానీ స్నో మీద..
సుమంత్ అశ్విన్, శ్రీకాంత్, భూమికా చావ్లా, తాన్యా హోప్ ప్రధాన పాత్రల్లో నటించిన చిత్రం ‘ఇదే మా కథ’. గురు పవన్ దర్శకత్వంలో శ్రీ‌మ‌తి మ‌నోర‌మ స‌మ‌ర్ప‌ణ‌లో గుర‌ప్ప ప‌ర‌మేశ్వ‌ర ప్రొడ‌క్ష‌న్స్ ప‌తాకంపై మహేష్ గొల్లా ఈ చిత్రాన్ని నిర్మించారు. టాలీవుడ్‌లోనే మొదటి రోడ్ జర్నీ అడ్వెంచర్‌గా తెరకెక్కిన ఈ చిత్రం అక్టోబర్ 2న థియేటర్లలో విడుదల కాబోతోంది. ఈ సందర్బంగా హీరో సుమంత్ అశ్విన్ మీడియాకు చిత్ర విశేషాలను తెలియజేశారు.
ఆయన మాట్లాడుతూ..
‘‘డైరెక్టర్ గురు పవన్‌గారు ఓ ఫోటో సెషన్ చేద్దాం అన్నారు. సరే అని చేశాం. హైదరాబాద్ నుంచి లడక్‌కి ఓ జర్నీ ఉంటుంది. ఏదో రఫ్‌గా చేసి ఆ ఫొటోస్ పంపించా. ఇది ఫైనల్ కాదనుకున్నా. డైరెక్టర్ చూసి నాకు ఇదే కావాలన్నారు. మొత్తం సినిమాలో అదే మెయిన్‌టైన్ చేశాం. ఈ సినిమాలో ఒక్కొక్కరికీ ఒక్కో గోల్ ఉంటుంది. శ్రీకాంత్ గారికి లడక్‌లో ఓ స్టోరీ ఉంటుంది. ఆయనకు డబ్బు అన్నీ ఉన్నాయి. ఆయన కావాలంటే ప్రైవేట్ జెట్ ఫ్లయిట్‌లో వెళ్లొచ్చు. కానీ ఆయనకు అది సంతృప్తినివ్వదు. ఆయనకు బైక్ రైడ్ అంటే ఇష్టం. ఫీల్ కోసం బైక్‌లో స్టార్ట్ అవుతారు. అలాగే భూమికగారికి ఓ గోల్ ఉంటుంది. భూమికగారి ఫాదర్ గోల్ ఫుల్ ఫిల్ చేయడానికి భూమికగారు స్టార్ట్ అవుతారు. అలాగే అమ్మాయికి ఒక గోల్. అలాగే అజయ్ క్యారెక్టర్ ఓవర్ కాన్ఫిడెంట్ ఫెలో. ఇతనికి లడక్‌లో స్నో మీద ఓ రేస్ ఉంటుంది. ఆ రేస్ గెలిస్తే ఆసియా లెవెల్‌లో పార్టిసిపేట్ చేయొచ్చు. ఇలా వీళ్లంతా బయల్దేరి ఎక్కడ కలుసుకున్నారు? కలుసుకున్నారా లేదా.. ఆ జర్నీ అంతా ఏమైంది? గోల్స్ రీచ్ అయ్యారా లేదా? అనేది కథ.
ఒక్కొక్కరూ సపరేట్‌గా స్టార్ట్ అవుతారు. నాలుగు కథలకు లింక్ అనేది.. మధ్యలో మంచి ఫ్రెండ్ షిప్, బాండ్ క్రియేట్ అయి ముందుకెళ్తారు. ఎవరి గోల్ వారు ఫుల్ ఫిల్ చేసుకోవాలని హెల్ప్ చేసుకుంటారు. కథ చెప్పింది కరోనా ముందు. షూటింగ్ స్టార్ట్ చేశాక.. కరోనా కారణంగా వాయిదాలు వేసుకుంటూ సినిమాని పూర్తి చేశాం. తెలుగులో రోడ్ ఫిలిమ్స్ చాలా తక్కువ ఉన్నాయి. మంచి మంచి లొకేషన్స్ చూపించడం వల్ల అంత ఎగ్జయిట్‌మెంట్ ఉండదు. కథలో రోల్స్ ఇన్వాల్మెంట్ ఉండాలి. ఇందులో అవన్నీ ఉన్నాయి. కథ చెప్పగానే ఎగ్జైట్ అయ్యాను. అందరికీ ఫ్లాష్ బ్యాక్ ఎపిసోడ్స్ లేవు కానీ శ్రీకాంత్ గారికి ఉంది. లాస్ట్‌లో 20 మినిట్స్ స్నో మీద రైడ్, రేస్ ఆసక్తికరంగా ఉంటాయి. బైక్ నన్ను మాదాపూర్ రోడ్లపై నడపమంటే నడిపేస్తా. కానీ స్నో మీద చాలా రిస్క్. అందుకే స్నో మీద చాలా ప్రాక్టీస్ చేసి షూటింగ్ చేశాం. లక్కీగా ఎవ్వరికీ ఏమీ యాక్సిడెంట్స్ లాంటివి జరగలేదు.
భూమికగారు కూడా చాలా డేర్ చేశారు. డూప్స్ పెట్టి చేయొచ్చు. కానీ రియలిస్టిక్‌గా ఉండేందుకు ఆమెనే చేశారు. ఒక్కడు తర్వాత ఆవిడతో డైరెక్ట్ కాంటాక్ట్ ఇదే. నా చిన్నతనంలో ఫిలించాంబర్‌లో భూమికను చూసి భలే ఉంది హీరోయిన్ అనుకున్నా. ఆవిడతో ఒక్కడు సెట్‌లో మంచి రిలేషన్ ఏర్పడింది. ఆవిడతో నేరుగా యాక్ట్ చేస్తానని అస్సలు అనుకోలేదు. ఇది ఎక్సలెంట్ ఫీలింగ్. ఈ సినిమాలో ఒక సీన్‌లో భూమికగారు నా బైక్ ఎక్కుతారు. ఆ సీన్ షూట్ చేసినప్పుడు గానీ, మళ్ళీ చూసినప్పుడు గానీ గూస్ బంప్స్ వచ్చాయి. అక్క అనే రిలేషన్ ఉంటుంది. నాకు తాన్యాకి లవ్ ట్రాక్ నాచురల్‌గా ఉంటుంది. డైరెక్టర్ గురు మంచి రైటర్. ఈ సినిమా స్టార్ట్ కాక ముందే మాకు ఈజీ కావాలని ఆయనే స్వయంగా తిరిగి టెస్ట్ చేశారు, చాలా రీసెర్చ్ చేశారు. అది డైరెక్టర్‌కి డెఫినెట్ గా ఉండాలి. ఆయనకు ఏ బైక్ ఎంత సీసీ ఉంటుంది. గేర్ల పట్ల చాలా అవగాహన ఉంది. గురు మైండ్‌లో పక్కా కమర్షియల్ ఎలిమెంట్స్ ఉన్నాయి. వాటిని నాచురల్‌గా మలిచి సినిమా రూపొందించారు. కారులో కంటే బైక్‌పై వెళితే ఆ కిక్కే వేరు. మైనస్ డిగ్రీస్‌లో చాలా సన్నివేశాలు షూట్ చేశాం. బైక్ అనేది రియల్లీ ఫన్. అందుకే చాలా మంది రైడర్స్ వేల కిలోమీటర్లు ప్రయాణిస్తారు. నా తదుపరి సినిమా ‘7 డేస్ 6 నైట్స్’ షూటింగ్ కూడా పూర్తయింది..’’ అని తెలిపారు.